មូលហេតុការស្លា.ប់របស់តារាចម្រៀង Park Bo Ram ត្រូវបានទម្លាយ

យោងតាមប្រព័ន្ធផ្សព្វផ្សាយបានរាយការណ៍នៅថ្ងៃទី ២៣ ខែឧសភា នេះបានដឹងថានាយកដ្ឋានប៉ូលិស Namyang បានទទួលលទ្ធផលធ្វើកោស.ល្យវិច្ច័យរបស់តារាចម្រៀង Park Bo Ram ពីសេវាកោស.ល្យវិច្ច័យជាតិហើយបន្ទាប់ពីតារាចម្រៀងរូបនេះស្លា.ប់បានជាង១ខែក្រោយជួបជុំផឹកស៊ីនៅឯផ្ទះមិត្តភក្តិ។

យោងតាមរបាយការណ៍របស់សេវាកោសល្យវិច្ច័យជាតិ មូលហេតុនៃការស្លាប់របស់ Park Bo Ram ត្រូវបានគេជឿថា ជាការពុលស្រាធ្ងន់ធ្ងរ។ នៅពេលទទួលមរណភាព Park Bo Ram មានបញ្ហាសុខភាព ដូចជាជំងឺខ្លាញ់រុំថ្លើម និងដំបៅថ្លើមជាដើម។ សេវាកោសល្យវិច្ច័យជាតិរកមិនឃើញភ័ស្តុតាងនៃមូលហេតុផ្សេងទៀតនៃការស្លា.ប់នេះឡើយ។

គួរបញ្ជាក់ថា តារាចម្រៀង Park Bo Ram មានអាយុ៣០ឆ្នាំ ត្រូវបានគេប្រទះឃើញសន្លប់នៅក្នុងផ្ទះរបស់អ្នកស្គាល់គ្នានៅម៉ោងប្រហែល ៩:៥៥ (ម៉ោងនៅប្រទេសកូរ៉េ) ថ្ងៃទី១១ ខែមេសា។ របាយការណ៍របស់ប៉ូលិសបានប្រាប់ប្រព័ន្ធផ្សព្វផ្សាយថា Park Bo Ram បានដួលក្នុងបន្ទប់ទឹក ខណៈកំពុងផឹកស៊ីជាមួយមិត្តភ័ក្តិពីរនាក់នៅផ្ទះមួយ។ ភ្លាមៗនោះ អ្នកសង្គ្រោះបន្ទាន់បានមកដល់កន្លែងកើតហេតុ ហើយបានដឹក Park Bo Ram ទៅកាន់មន្ទីរពេទ្យប៉ុន្តែនាងមិនអាចជួយសង្គ្រោះបានហើយត្រូវបានគេប្រកាសថាបានស្លាប់នៅម៉ោង ១១ និង ១៧ នាទីយប់ម៉ោងនៅប្រទេសកូរ៉េ។

នាពេលនោះនៅលើវេទិកា និងទំព័រហ្វេកប៊ុកក្នុងទ្វីបអាស៊ី អ្នកគាំទ្រជាច្រើនបាននិយាយថា ពួកគេមានការភ្ញាក់ផ្អើលជាខ្លាំងនៅពេលដែលបានឮដំណឹងអាក្រក់អំពីតារាចម្រៀងរូប នេះហើយបានក្លាយជាប្រធានបទពេញនិយមបំផុតនៅលើ Weibo (ប្រទេសចិន) ។

Park Bo Ram កើតនៅឆ្នាំ ១៩៩៤បានចូលរួមក្នុងកម្មវិធីទេពកោសល្យរបស់ Mnet ហើយត្រូវបានគេកោតសរសើរយ៉ាងខ្លាំងចំពោះសម្លេងរបស់នាង។ ក្នុងឆ្នាំ២០១៤ Bo Ram បានឈ្នះពានរង្វាន់សិល្បករថ្មីល្អបំផុតនៅ MAMA, Melon Music Awards ។ តារាចម្រៀងរូបនេះគឺជាម្ចាស់សំឡេងក្នុងរឿង «Reply 1988»៕