បុរសជនជាតិខ្មែរសញ្ជាតិអាមេរិកម្នាក់ឈ្មោះ ប៉ុប តាំង កំពុងត្រូវបានFBI តាមឃាត់ខ្លួនក្នុងករណីបទចោទឃាតកម្មដ៏ឃោរឃៅនៅអាមេរិក កាលពី ៧ឆ្នាំមុន ដែលបច្ចុប្បន្នបុរសម្នាក់នេះកំពុងលាក់ខ្លួននៅក្នុងប្រទេសកម្ពុជា ។
ជនសង្ស័យ ឈ្មោះ ប៉ុប តាំង ជាប់ពាក់ព័ន្ធនឹងអំពើឃាតកម្មលើមនុស្សម្នាក់នៅស្រុកអាឡាមេដា រដ្ឋកាលីហ្វ័រញ៉ា កាលពីថ្ងៃទី១៤ ខែឧសភា ឆ្នាំ២០១៧ ដោយបានសម្លាប់មិត្តភក្តិជិតស្និតជាជនជាតិខ្មែរដូចគ្នា ដោយសារភ្លើងប្រចណ្ឌ ហើយបានកាត់សាកសពជនរងគ្រោះជាបំណែកៗ រួចមកបានរត់គេចខ្លួនមកប្រទេសកម្ពុជា។
ជុំវិញករណីនេះ អ្នកនាំពាក្យរងក្រសួងមហាផ្ទៃ លោក ទូច សុឃៈ បានលេីកឡេីងថា៖” បេីចង់ស្វែងរកចាប់ខ្លួនណាមួយ ដែលស្ថាប័នអន្តរជាតិប៉ូលិសនេះអះអាងថា ឃាតកររូបនេះអាចរត់គេចពីការផ្តន្ទាទោសចូលកម្ពុជា គួរតែបំពេញឯកសារតាមផ្លូវច្បាប់ស្របតាមបទដ្ឋានគតិយុត្តគឺច្បាប់អន្តរជាតិជាមុនសិន។ សម្រាប់កម្ពុជាស្វាគមន៍ និងសហការគ្រប់ពេល គ្រប់វេលា ជាមួយបណ្តានៃសមត្ថកិច្ចនៃរដ្ឋអធិបតេយ្យផ្សេងៗទាំងឡាយដែលចង់សហការក្នុងការចាប់ខ្លួន ឬបង្ក្រាបបទល្មើសណាមួយ”៕
