បន្ទាប់ពីសាងសង់រូបសំណាកសេះសមុទ្រ ទទួលបានការគាំទ្រច្រើនពីសំណាកប្រជាពលរដ្ឋភ្ញៀវទេសចរណ៍ជាតិ និងអន្តរជាតិ ថ្មីៗនេះអាជ្ញាធរខេត្តកំពតគ្រោងនឹងបង្កើតផ្សាលើទឹកមួយទៀត ដើម្បីជំរុញវិស័យទេសចរណ៍ក្នុងខេត្តឱ្យកាន់តែខ្លាំងមួយកម្រិតទៀត។
ក្រៅពីគម្រោងផ្សារលើទឹកនេះ អាជ្ញាធរខេត្តកំពត ក៏មានគម្រោងអភិវឌ្ឍវិស័យទេសចរណ៍បន្ថែមជាច្រើនទៀតនៅថ្ងៃខាងមុខ ដែលមានដូចជា បង្កើតឱ្យមានសេវាកម្សាន្តតាមដៃព្រែកទាំង ១៣ ក្នុងខេត្ត និងជាពិសេសគម្រោងបង្កើតឆ្នេរសមុទ្រដ៏ស្រស់ស្អាត។
គួរបញ្ជាក់ផងដែរ បច្ចុប្បន្នរដ្ឋបាលខេត្តកំពត កំពុងអភិវឌ្ឍឆ្នេរខ្សាច់កម្សាន្ត ០២កន្លែង ក្នុងនោះរួមមានទី១ គឺឆ្នេរខ្សាច់ចន្លោះស្ពានចាស់ និងស្ពានថ្មី និងទី២ ឆ្នេរខ្សាច់ចន្លោះស្ពានថ្មី និងស្ពានរថភ្លើង៕
