កម្លាំងគណៈបញ្ជាការឯកភាពខណ្ឌ៧មករា បានចុះរៀបចំសណ្ដាប់ធ្នាប់ដោយធ្វើកិច្ចសន្យាទុក្ខរយៈពេល ៣ថ្ងៃ ឱ្យក្រុមអាជីវករលក់ដូររំលោភលើចិញ្ចើមផ្លូវ តាមបណ្ដោយផ្លូវលេខ១៣៤ ចំណុចមុខមន្ទីរពេទ្យបង្អែករាជធានីភ្នំពេញ រើចេញដោយខ្លួនឯង បើមិនដូចនេះទេអាជ្ញាធរនឹងចុះចាត់វិធានការរដ្ឋបាល។
កម្លាំងគណៈបញ្ជាការឯកភាព ខណ្ឌចុះណែនាំ និងធ្វើកិច្ចសន្យាដល់អាជីវកយកផ្លូវតាំង ដាក់ទូ លក់ដូរ និងទីតាំងផ្ញើម៉ូតូ ស្ថិតនៅអមសងខាងកំណត់ផ្លូវលេខ ១៣៤ ជាប់របងមន្ទីរពេទ្យបង្អែករាជធានីភ្នំពេញ មូលដ្ឋានសង្កាត់វាលវង់ ខណ្ឌ៧មករា រាជធានីភ្នំពេញ។
ការចុះរៀបចំនេះ ដើម្បីឱ្យរក្សាបរិស្ថានអនាម័យ សណ្ដាប់ធ្នាប់សាធារណៈ មានសោភ័ណភាព និងកាត់បន្ថយការកកស្ទះចរាចរណ៍ រក្សាចិញ្ចើមផ្លូវសម្រាប់អ្នកថ្មើជើង។ កន្លងមកក្រុមអាជីវករទាំងនេះបានយកផ្លូវធ្វើជាកន្លែងលក់ និងផ្ញើម៉ូតូបង្កការកស្ទះចរាចរណ៍ដល់អ្នកធ្វើដំណើរឆ្លងកាត់កំណាត់ផ្លូវលេខ១៣៤៕
