ឥទ្ធិពល Jisoo ជំរុញឱ្យម៉ាកយីហោសម្លៀកបំពាក់កីឡាមួយនៅអាម៉េរិកជួបហេតុការណ៍មិនធ្លាប់មាន

Alo Yoga ដែលជាម៉ាកសម្លៀកបំពាក់កីឡារបស់អាម៉េរិក ថ្មីៗនេះបានបើកដំណើរការម៉ូតថ្មីនាដើមឆ្នាំ២០២៤ របស់ពួកគេដែលមាន Kim Jisoo សមាជិកក្រុម BLACKPINK ជាទូតសុឆន្ទៈថ្មីរបស់ពួកគេ។ ការប្រកាសនេះ រួមជាមួយនឹងរូបភាពដ៏ទាក់ទាញរបស់ Jisoo ដ៏ស្រស់ស្អាត បានបង្កឱ្យមានការកើនឡើងយ៉ាងខ្លាំងនៅក្នុងចរាចរណ៍អនឡាញ។

អ្វីដែលនឹកស្មានមិនដល់នឹកមិនធ្លាប់ជួបប្រទះនាពេលកន្លងមករបស់ម៉ាយីហោនេះ ដោយសារឥទ្ធិពលតារាចម្រៀង និងសម្តែង KPop រូបនេះបានជួបប្រទះការលំបាកផ្នែកបច្ចេកទេស ដោយសារតម្រូវការខ្ពស់។ នៅពេលដែលបញ្ហាគេហទំព័រត្រូវបានដោះស្រាយ ទំនិញទាំងអស់បានលក់អស់ ធ្វើឱ្យអ្នកគាំទ្រជាច្រើនខកចិត្តយ៉ាងខ្លាំង។

សម្រាប់សំលៀកបំពាក់កីឡាឆ្នាំ២០២៤ ដែលមានតម្លៃចាប់ពី ២៤ ដុល្លារដល់ ៣៤៨ ដុល្លារ ផ្តល់ជូននូវរចនាប័ទ្មជាច្រើនដែលសមរម្យសម្រាប់ការរត់ក្នុងរដូវរងាដ៏ទាន់សម័យ សំលៀកបំពាក់ដ៏កក់ក្តៅ និងសំលៀកបំពាក់ប្រចាំថ្ងៃទាន់សម័យ។ យុទ្ធនាការ និងការប្រមូលផ្ដុំបានសង្កត់ធ្ងន់លើភាពស្រណុកសុខស្រួល ផ្តល់នូវចំណូលចិត្តរចនាប័ទ្មជាច្រើន។
ម៉្យាងវិញទៀត Alo Yoga ទទួលបានប្រេកង់ស្វែងរកខ្ពស់បំផុតនៅលើ Google ទាំងនៅសហរដ្ឋអាម៉េរិក និងជុំវិញពិភពលោក ចាប់តាំងពីការបង្កើតឡើងក្នុងឆ្នាំ២០០៧ ដោយបង្ហាញជាថ្មីម្តងទៀតនូវថាមពល និងឥទ្ធិពលដែល Jisoo មានសម្រាប់ម៉ាកយីហោ។

គួរបញ្ជាក់ថា កាលពីថ្ងៃទី១៧ មករា ថ្មីៗនេះ Alo បានបង្ហាញរូបភាពដ៏អស្ចារ្យរបស់ Jisoo ដែលត្រូវបានជ្រើសរើសជាទូតសុឆន្ទៈថ្មីរបស់ខ្លួន។ ក្រោយពី Jisoo បង្ហាញខ្លួនជាមួយម៉ាកយីហោសម្លៀកបំពាក់កីឡាដែលមានមូលដ្ឋាននៅ LA នេះរួចបានធ្វើឱ្យមានការចាប់អារម្មណ៍យ៉ាងខ្លាំងទូទាំងពិភពលោក ខណៈហ្វេនៗសរសើរមិនដាច់ពីមាត់ថាសម្រស់របស់ Jisoo ក្នុងសំលៀកបំពាក់កីឡានេះពិតជាស្រស់ស្អាតខ្លាំង៕