នៅថ្ងៃទី១១ ខែធ្នូ នាយកប្រតិបត្តិនៃមូលនិធិសង្គ្រោះបន្ទាប់ Tennessee បានបញ្ជាក់ថាការបរិច្ចាគរបស់តារាចម្រៀង Taylor Swift ចំនួន១លានដុល្លារនឹងជួយប្រជាជនដែលរងផលប៉ះពាល់ដោយគ្រោះមហន្តរាយធម្មជាតិខ្យល់ព្យុះកំបុតត្បូងកាលពីថ្ងៃទី៩ ខែវិច្ឆិកា បណ្តាលឱ្យមនុស្សជាង៥០ នាក់រងរបួស និងបានសម្លាប់មនុស្ស ៦ នាក់ក្នុងនោះមានកុមារ ២នាក់ ជាមួយនឹងហិរញ្ញវត្ថុអាហារ ផ្ទះបណ្តោះអាសន្ន អគារជាច្រើនបានរងការខូចខាត និងបានដាច់ថាមពលអគ្គីសនីប្រើប្រាស់។
ក្នុងឆ្នាំ ២០២០ Taylor Swift ក៏បានបរិច្ចាគថវិកាស្រដៀងគ្នាទៅនឹងមូលនិធិបន្ទាប់ពីខ្យល់ព្យុះកំបុតត្បូងបានបង្កការខូចខាតយ៉ាងខ្លាំងដល់ពលរដ្ឋ។ តារាចម្រៀងរូបនេះបានសរសេរនៅលើ Instagram នៅពេលនោះថា “Nashville គឺជាផ្ទះរបស់ខ្ញុំ មនុស្សជាច្រើនបានបាត់បង់ផ្ទះរបស់ពួកគេ និងរបស់ផ្សេងទៀតដែលធ្វើឱ្យខ្ញុំសោកសៅយ៉ាងខ្លាំង” ។ នាងក៏បានភ្ជាប់ទៅកាន់គេហទំព័រគាំទ្រ ដោយលើកទឹកចិត្តអ្នកគាំទ្រឱ្យចូលរួមចំណែក ខណៈលើកមុននៅពេលប្រគំតន្រ្តី Eras Tour Taylor តារាចម្រៀងប៉ុបរូបនេះក៏បានចូលរួមចំណែកផ្នែកហិរញ្ញវត្ថុដល់កន្លែងសម្តែងផងដែរ។
អំឡុងពេលការប្រគំតន្ត្រីពីរយប់នៅទីក្រុង Detroit ក្នុងខែមិថុនា តារាចម្រៀងរូបនេះបានបរិច្ចាគទៅធនាគារ Gleaners Community Food Bank នៅភាគខាងកើតរដ្ឋ Michigan ដោយផ្តល់ជំនួយអាហារដល់អ្នកដែលត្រូវការជំនួយ។ អ្នកតំណាងនៃអង្គការបានថ្លែងអំណរគុណដល់តារាចម្រៀងដោយសរសេរនៅលើបណ្តាញសង្គមថា “Taylor Swift គាំទ្រធនាគារអាហារនៅពេលដ៏សំខាន់ – នៅពេលដែលធនធានត្រូវបានកាត់បន្ថយប៉ុន្តែតម្រូវការត្រូវបានកើនឡើង។ បេះដូងរបស់នាងនឹងជួយគ្រួសារនៅទូទាំងរដ្ឋ Michigan ភាគខាងកើតរស់នៅប្រកបដោយសុភមង្គល និងមានសុខភាពល្អ។
Taylor Swift បច្ចុប្បន្នមានអាយុ ៣៤ ឆ្នាំ គឺជាអ្នកចម្រៀង-អ្នកនិពន្ធបទចម្រៀងជនជាតិអាម៉េរិកដែលល្បីល្បាញទទួលបានពានរង្វាន់ធំៗជាច្រើន។ លើសពីនេះការប្រគំតន្រ្តី Eras Tour របស់នាង ជំរុញឱ្យតារាចម្រៀងរូបនេះក្លាយជាមហាសេដ្ឋី។ បន្ថែមពីលើនេះ រាល់ការប្រគំតន្រ្តីរបស់នាងជួយទាក់ទាញភ្ញៀវទេសចរ រួមចំណែកក្នុងការបង្កើតប្រាក់សម្រាប់សេដ្ឋកិច្ចរបស់ប្រទេសនោះ៕
