នៅក្នុងពិធីមង្គលការរបស់លោកស្រី ទ្រី ដាណា អ្នកនាង ទ្រិញ ផល្លា និងលោក ជឿន ប៊ុនចក់ ហៅ Admin ជីងចក់ បានបណ្តើរគ្នាយ៉ាងត្រសងចូលរួមពិធីមង្គលនេះដូចជាគូស្នេហ៍ឯទៀត។ យ៉ាងណាមិញ រូបភាពដែលបង្ហោះនៅលើបណ្តាញសង្គមបានក្លាយជាប្រធានបទជជែកដោយអ្នកខ្លះក៏សើចចំអកក្រោយពីឃើញអ្នកអត្ថាធិប្បាយបាល់ទាត់រូបនេះទាបជាងភរិយា។.png)
នៅក្នុងវីដេអូ Admin ជីងចក់ បាននិយាយថា «ឈុតដែលភរិយាខ្លួនស្លៀកតម្រូវឱ្យពាក់ស្បែកជើងកែងដើម្បីឱ្យស៊ីគ្នា ដោយភរិយារបស់លោកសុំខ្លួនពាក់ស្បែកជើងកែងម្តងព្រោះតាំងពីការមកមិនដែលពាក់ស្បែកជើងកែងនោះទេដោយសារយល់ថាលោកទាបជាង មិនចង់ឱ្យថតឬដើរចេញទៅក្រៅមើលទៅប្រពន្ធខ្ពស់ជាងប្តី»។
Admin ជីងចក់ បានបន្តទៀតថា ខ្លួនបានប្រាប់ភរិយារបស់លោករៀបចំខ្លួនទៅតាមអ្វីដែលខ្លួនពេញចិត្តគិតថាស័ក្តិសមនឹងខ្លួនឯងដោយកុំគិតពីលោកព្រោះលោកដឹងថាមានអ្នកដឹងថាខ្លួនលោកទាបស្រាប់ហើយមិនបាច់ខ្វល់នោះទេ រស់ជាមួយការពិតមិនដែលគិតថាខ្លួនខ្ពស់ជាងភរិយាឡើយ។លោកបានបន្ថែមថា ស្បែកជើងកែងដែលអ្នកនាង ទ្រិញ ផល្លា ពាក់មានកម្ពស់២តឹកកន្លះ ហើយរ៉ូបដែលស្លៀកមានសភាពវែងដូចអ្នកគាំទ្រឃើញស្រាប់ហើយថាលោកបានជួយកាន់រ៉ូបភរិយាផងដែរ។
អ្នកអធិប្បាយបាល់ទាត់ល្បីឈ្មោះរូបនេះថា គ្មានអាប់ឱនអ្វីជាមួយប្រពន្ធនោះទេពេលមានប្រពន្ធទៅដឹងហើយ ដោយលោកបានអះអាងថាចាប់តាំងពីមានគ្រួសារមកលោកនិយាយថាខ្លួនកែច្រើនណាស់។
គួរបញ្ជាក់ថា Admin ជីងចក់ និងអ្នកនាង ទ្រិញ ផល្លា បានរៀបការជាមួយគ្នាតាមប្រពៃណីកាលពីថ្ងៃទី១១ វិច្ឆិកា ឆ្នាំ២០២១ ដោយជីវិតគូរបស់អ្នកទាំងពីរមានបញ្ហាចម្រូងចម្រាស់ផ្អើលមហាជនមិនចេះតិចដងរហូតមហាជនគិតថាជារឿងធម្មតារបស់អ្នកទាំងពីរទៅហើយ។ ទោះបីជាឈ្លោះប្រកែកគ្នាផ្អើលយ៉ាងណាអ្នកទាំងពីរក៏ត្រូវរ៉ូវគ្នាវិញដដែល៕
