ភ្នំពេញ៖ យោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ (MAFF) បានឱ្យដឹងថា ប្រទេសកម្ពុជាទទួលបានប្រាក់ចំណូលសរុបចំនួន 3.9 ពាន់លានដុល្លារអាមេរិក ពីការនាំចេញកសិផលក្នុងរយៈពេល 11 ខែដំបូងនៃឆ្នាំ 2023។
យោងតាមរបាយការណ៍នេះ បានឱ្យដឹងទៀតថា កម្ពុជាដែលជាប្រទេសមួយនៅអាស៊ីអាគ្នេយ៍បាននាំចេញកសិផលចំនួន 7.31 លានតោនទៅកាន់ប្រទេសផ្សេងៗទៀត និងតំបន់ចំនួន 75 ក្នុងអំឡុងពេលខែមករាដល់ខែវិច្ឆិកាឆ្នាំនេះ ដែលធ្លាក់ចុះ 4.6 ភាគរយពីមួយឆ្នាំទៅមួយឆ្នាំ។
មូលហេតុនៃការធ្លាក់ចុះនេះគឺដោយសារ បញ្ហាជម្លោះរវាងអ៊ីស្រាអែល និងក្រុមហាម៉ាស់ មានឥទ្ធិពលយ៉ាងធំធេងលើលំហូរពាណិជ្ជកម្មសកល ដែលបានចុះខ្សោយរួចទៅហើយនោះ រួមទាំងអត្រាការប្រាក់ខ្ពស់ ទីផ្សារអចលនទ្រព្យចិនដែលតានតឹង និងសង្គ្រាមរុស្ស៊ីនៅអ៊ុយក្រែន បានជះឥទ្ធិពលយ៉ាងខ្លាំងដល់កំណើនសេដ្ឋកិច្ចពិភពលោក ជាពិសេសបណ្តាប្រទេសដែលពឹងផ្អែកជាចម្បងលើការនាំចេញដូចជាប្រទេសកម្ពុជាជាដើម។ ដូច្នេះ មុខទំនិញកសិកម្មសំខាន់ៗរបស់កម្ពុជាសម្រាប់ការនាំចេញទៅក្រៅប្រទេសរួមមាន អង្ករ ដំឡូងមី កៅស៊ូ ស្វាយ ចេកស្រស់ ម្រេច ស្វាយចន្ទី ពោត និងប្រេងដូងជាដើម។
យោងតាមក្រសួងកសិកម្មបានឱ្យដឹងទៀតថា “បើទោះបីជាការនាំចេញទំនិញធ្លាក់ចុះបន្តិច ក្នុងរយៈពេល ១១ ខែនៃឆ្នាំនេះក៏ដោយ ក៏យើងនៅតែមានសុទិដ្ឋិនិយមថា កំណើននេះនឹងងើបឡើងវិញផងដែរ”។
គួរបញ្ជាក់ដែរថា កម្ពុជាបាននាំចេញកសិផលចំនួន 1.03 លានតោនក្នុងខែវិច្ឆិកាឆ្នាំនេះ កើនឡើងជិត 50 ភាគរយពី 0.69 លានតោនក្នុងខែដូចគ្នាកាលពីឆ្នាំមុន។ ហេតុនេះហើយ ប្រទេសចិន វៀតណាម និងថៃ គឺជាអ្នកនាំចូលទំនិញកសិកម្មរបស់កម្ពុជា៕
