ដោយមានការរំលែកនៅលើបណ្តាញសង្គមហ្វេកប៊ុកជាខ្លាំង ទាក់ទងនឹងបេក្ខជនមកយឺត ហើយត្រូវបានគ្រូមិនឱ្យចូលប្រឡង ដែលធ្វើឱ្យបាត់បង់សិទ្ធប្រឡងនោះ ពេលនេះអ្នកនាំពាក្យក្រសួងក្រសួងអប់រំ យុវជន និងកីឡា បានធ្វើការបកស្រាយហើយ។
លោកជំទាវបណ្ឌិត ឃួន វិច្ឆិកា អ្នកនាំពាក្យក្រសួងក្រសួងអប់រំ យុវជន និងកីឡា បញ្ជាក់ថា គ្មានឡើយការយោគយល់ ឬសម្របសម្រួលឱ្យបេក្ខជនអាចប្រឡងឡើងវិញនោះឡើយ ករណីគណៈគ្រប់គ្រងមណ្ឌលប្រឡងសម្រេចមិនអនុញ្ញាតឱ្យបេក្ខជនចូលប្រឡងដោយសារបេក្ខជនមកយឺតលើសពី ១៥នាទី។
សម្រាប់គោលការណ៍នេះលោកជំទាវថា គណៈគ្រប់គ្រងមណ្ឌលប្រឡងបានប្រកាសជាញឹកញាប់ជូនបេក្ខជន ហើយក្រសួងក៏បានផ្សព្វផ្សាយជារឿយៗដំណឹងគោលការណ៍នេះផងដែរ៕
