នារីម្នាក់ដែលមានមុខមាត់ស្រដៀងនឹងកញ្ញា ឡូរីន សង្សាររបស់ វណ្ណដា បានចេញវីដេអូពន្លះផាំងៗមិនសំចៃមាត់ដាក់អ្នករិះគន់ខ្លួនថាព្យាយាមនិយមស្ទាយ៍តាមគេ មិនថាជាការតុបតែងខ្លួនឬសូម្បីតែការនិយាយស្តីភាសាខ្មែរលាយអង់គ្លេស រហូតហៅនាងថាជាសង្សារវណ្ណដា Copy ទៀត ។
នារីរូបនេះមានគណនីហេ្វកប៊ុកឈ្មោះថា Destiny Seymour និងមានគណនីទិកតុកឈ្មោះថា dess បានចេញវីដេអូនៅលើទិកតុកដោយក្តីខឹងសម្បារនិងមិនអស់ចិត្តចំពោះអ្នកមួយចំនួនបានរិះគន់ខ្លួន។ Seymour បាននិយាយថាចំពោះអ្នកគាត់បានឃើញមុខនាងហើយនិយាយថាខ្លួនមុខដូចជា ឡូរីន នាងក៏ចូលចិត្តដែរត្រង់ចំណុចនេះព្រោះសង្សារ វណ្ណដា ស្អាត ប៉ុន្តែយូរៗទៅធ្វើឱ្យនាងមានអារម្មណ៍ថាមិនស្រួលចិត្តយ៉ាងខ្លាំងនៅពេលគេនិយាយថាពាក្យ Copy ព្រោះខ្លួនចង់ធ្វើអ្វីដែលជាខ្លួនឯង ឱ្យអ្នកដទៃស្គាល់ថានាងគឺជានាងមិនមែនដូចអ្នកណាឡើយ។
ស្រីស្រស់រូបនេះបានបន្ថែមទៀតថា នាងមិនបាន Copy តាមអ្នកណានោះទេសមត្ថភាពនាងប៉ុណ្ណឹងដែរ Copy តាមគេ ព្រមទាំងឱ្យទៅមើលការបង្ហោះរូបភាពរបស់ ឡូរីន និងនាងឡើងវិញថា ការស្លៀកពាក់របស់ខ្លួនមិនបានតាមអ្នកណាទេ ហើយការដែលនាងធ្វើខ្លួនស្អាតៗគឺដើម្បីខ្លួនឯងតែប៉ុណ្ណោះ។ បន្ទាប់ពីចេញវីដេអូហើយគណនីទិកតុក dess បានចេញវីដេអូមួយទៀតថា បន្ទាប់ពីមានអ្នករិះគន់រឿងនាងនិយាយភាសាខ្មែរលាយភាសាអង់គ្លេស និងបានបន្តខម្មិនសូម្បីការនិយាយក៏ copy ស្ទាយ៍គេ។
ឆ្លើយតបដោយសម្តីខ្លាំងៗនារីខាងលើនេះបញ្ជាក់ថាខ្លួនជាកូនកាត់ខ្មែរអូស្រ្តាលី មានម្តាយជាជនជាតិខ្មែរ ឪពុកជាជនជាតិអូស្រ្តាលី ហើយការនិយាយរបស់នាងខ្មែលាយរអង់គ្លេសនេះគឺតាំងពីដើមមកម្ល៉េះ។ ការពិតនាងបានចេញវីដេអូបញ្ជាក់ច្រើនដងមកហើយប៉ុន្តែនៅតែមានអ្នករិះគន់លើចំណុចនេះទៀត។ Seymour សង្កត់ធ្ងន់ថា ការពិតខ្លួនចង់និយាយពីរោះណាស់តែនិយាយពីរោះដាក់អ្នកខ្លះមិនកើតដោយសារតែអ្នកខ្លះនិយាយដាក់នាងមិនបានឆ្លងកាត់ការពិចារណា៕
