ក្នុងឱកាសពិធីបុណ្យភ្ជុំបិណ្ឌក្រសួងពាណិជ្ជកម្មបានប្រកាសដំណឹងល្អដោយតម្លៃប្រេងនៅប្រទេសកម្ពុជាបានចុះថ្លៃបន្តិចបើធៀបនឹងតម្លៃចាស់តម្លៃប្រេងសាំងចុះថ្លៃ២៥០រៀលក្នុង១លីត្រនិងម៉ាស៊ូតបានចុះថ្លៃ២០០រៀលក្នុងមួយលីត្រ។ នេះបើតាមសេចក្តីជូនដំណឹងនៅថ្ងៃទី១១ តុលា។
តម្លៃប្រេងសាំងធម្មតាក្នុង១លីត្រ គឺកំណតើថ្លៃ ៤ ៣០០រៀល និងប្រេងម៉ាស៊ូតថ្លៃ ៤ ៦៥០រៀលក្នុង១លីត្រ ដែលគ្រប់ស្ថានីយ៍ប្រេងឥន្ធនៈត្រូវអនុវត្តចាប់ពីថ្ងៃទី១១-២០ ខែតុលា ឆ្នាំ២០២៣។
គូសបញ្ជាក់ថា តម្លៃប្រេងខាងលើនេះគឺផ្អែកទៅលើទីផ្សារអន្តរជាតិ ក្នុងនោះរាជរដ្ឋាភិបាលបានសម្រេចបញ្ចុះតម្លៃលក់រាយប្រេងឥន្ទនៈនេះចំនួន៦,៥ សេនដុល្លារ ក្នុងមួយលីត្រ ដើម្បីជួយសម្រួលដល់ជីវភាពរបស់ប្រជាពលរដ្ឋ៕
