បើទោះបីជា Top4 ក្នុងកម្មវិធី Cambodian Idol រដូវកាលទី៤ រួមមាន លីម តិចម៉េង , ថុល សុភិទិ , នាង ដាវីន និង ស៊ឹម ច័ន្ទពន្លឺ មមាញឹកការងារសិល្បៈយ៉ាងណា តែនៅតែឆ្លៀតបង្កើតកម្មវិធីសប្បុរសធម៌ចែករំលែកក្តីស្រលាញ់ទៅកុមារជាង៦០០នាក់នៅសហគមន៍ឱរ៉ាល់ដូចជាចែកជូនអាវរងា សម្ភារៈសិក្សា និង អាហារសាមគ្គី នាថ្ងៃទី១០ តុលា នេះ។.png)
តាមការឱ្យដឹងពី Top4 បានបញ្ជាក់លើបណ្តាញសង្គមថ្ងៃទី៩ តុលា ថា «យើងខ្ញុំ Top4 Cambodian idol season 4 សូមថ្លែងអំណរគុណដល់សប្បុរសជនទាំងអស់ ដែលជាអ្នកគាំទ្រពួកខ្ញុំទាំងបួន ក្នុងការចូលរួមចំណែកចែករំលែកក្តីស្រលាញ់ ទៅកាន់កុមារា កុមារី នៅសាលាបឋមសិក្សាល្ងឹម ដែល ស្ថិតនៅក្នុងភូមិអូរតោង ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ នឹង សាលាបឋមសិក្សាស្រែកិន ដែលសរុបចំនួនសិស្សានុសិស្សទាំងអស់ចំនួន៦២០នាក់ ដែលប្រព្រឹត្តិទៅនៅថ្ងៃទី១០ ខែតុលា ឆ្នាំ២០២៣ ក្នុងនោះយើងបានរៀបចំសម្ភារៈមួយចំនួនដូចជា ការចែកជូនអាវរងា សម្ភារៈសិក្សា និងអាហារសាមគ្គីជាមួយពួកគាត់ផ្ទាល់»។
គួរបញ្ជាក់ថា តារាចម្រៀងទាំង៤រូបខាងលើនេះទទួលបានការគាំទ្រយ៉ាងខ្លាំងពីទស្សនិកជនអំឡុងពេលប្រកួតរហូតប្រមាណជាង១ឆ្នាំមកនេះការងារសិល្បៈរបស់គេមានជាហូរហែមិនដាច់។ លើសពីនេះទៅទៀត ក្រឡេកទៅភាពរបស់ពួកគេពិតជាគួរឱ្យសរសើរណាស់ ស្រលាញ់យល់ចិត្តគ្នាយ៉ាងខ្លាំង នៅពេលតាំងរូបCoverអ្វីនៅលើបណ្តាញសង្គមសុទ្ធតែប្តូរដាក់រូបភាពដូចៗគ្នា៕
