ដូចប្រិយមិត្តមួយចំនួនបានដឹងហើយថាការប្រគំតន្រ្តីទេសចរណ៍របស់ BLACKPINK នៅទីក្រុងសេអ៊ូល នាពេលកន្លងទៅនេះអ្នកគាំទ្របានប្រទះឃើញក្រុមចម្រៀងនារី Aespa ស្ថិតក្នុងផលិតកម្ម SM ទៅទស្សនាការប្រគំតន្ត្រីរបស់រៀមច្បងដែលស្ថិតក្នុងផលិតកម្ម YG ហើយប្រធានបទនេះបានធ្វើឱ្យផ្ទុះខ្លាំងពេញបណ្តាញអ៊ីនធឺណិត។
នៅក្នុងពិភពនៃការកម្សាន្ត និង K-pop មិត្តភាពក្នុងចំណោមតារានានាតែងតែបង្កឱ្យមានចំណាប់អារម្មណ៍ និងរំភើបចិត្តក្នុងចំណោមអ្នកគាំទ្រ។ មិត្តភាពដ៏កក់ក្តៅមួយនេះត្រូវបានលាតត្រដាងនាពេលថ្មីៗនេះនៅពេលដែល Karina សមាជិកក្រុម Aespa បានទម្លាយពីទំនាក់ទំនងដ៏ជិតស្និទ្ធរបស់ខ្លួននៅកាន់រៀមច្បង BLACKPINK។
Karina បាននិយាយប្រាប់ហ្វេនថាមូលហេតុដែលនាងទៅទស្សនាការប្រគំតន្រ្តីរប BLACKPINK ក៏ព្រោះតែនាងស្គាល់ជិតស្និទគ្នាជាមួយ Jisoo ដោយដំបូងឡើយ Jisoo ជាអ្នកទាក់ទងមក Karina ថែមទាំងប្រាប់ទៀតថា Jisoo ចូលចិត្តនាងណាស់។
លើសពីនេះមិនត្រឹមតែ Karina ទៅចូលរួមទេសមាជិក Aespa ផ្សេងទៀតក៏បានទៅចូលរួមផងដែរ។ អ្វីដែលកាន់តែធ្វើឱ្យអ្នកគាំត្រកោតសរសើរចំពោះមិត្តភក្តិរបស់ពួកគេនោះ ដោយសារតែក្រុម Aespa ក៏មានការប្រគំតន្រ្តីនៅអ៊ឺរ៉ុបផងដែរ បន្ទាប់ពីសម្រាកការសម្តែងរបស់ខ្លួនមកដល់កូរ៉េវិញនៅឆ្លៀតមកចូលរួមកម្មវិធីរបស់រៀមច្បង។
គួរបញ្ជាក់ផងដែរថា កាលពីថ្ងៃទី១៧ កញ្ញា ជាថ្ងៃទី២នៃការបញ្ចប់ការប្រគំតន្រ្តីរ ‘Born Pink’ របស់ BLACKPINK ហើយអ្នកគាំទ្រមានការភ្ញាក់ផ្អើលនៅពេលដែលសមាជិកក្រុម aespa ត្រូវបានគេប្រទះឃើញនៅក្នុងការប្រគំតន្ត្រីនេះដោយរូបថតជាច្រើនសន្លឹកថតដោយអ្នកគាំទ្របានចែកចាយពេញបណ្តាញសង្គម៕
