កំពូលតារាចម្រៀង ឱក សុគន្ធកញ្ញា នៅតែជាតារាជួរមុខប្រជាប្រិយភាពមិនថមថយឡើយបើទោះបីជាមិនចេញបទចម្រៀងញឹកញាប់ជាពិសេសសម្រស់តារាចម្រៀងរូបនេះនៅតែឆក់បេះដូងអ្នកគាំទ្រទៅលើសម្រស់របស់នាងទោះបីជាកំពុងពរពោះកូនទី២ក្តីនៅតែស្រស់ស្អាត។ ថ្មីៗនេះ អ្នកគាំទ្ររឹតតែពោលសរសើរទៅដល់តារាចម្រៀងរូបនេះក្រោយពីបង្ហើរសំឡេងដ៏ពីរោះរណ្តំនៅក្នុងបទចម្រៀងមួយបទ។
នៅលើបណ្តាញសង្គមផ្ទុះការចាប់អារម្មណ៍យ៉ាងខ្លាំងទៅលើកំពូលតារាចម្រៀង ឱក សុគន្ធកញ្ញា បានច្រៀងបទ «ស្រស់ដូចគ្នា» នៅឯពិធីមង្គលរបស់ជាងផាត់មុខដ៏ល្បីប្រចាំប្រទេស។ មិនត្រឹមតែបកស្រាយចង្វាក់ក្បាច់ជាមួយភ្លេងបុរាណខ្មែរយ៉ាងពីរោះរណ្តំប៉ុណ្ណោះទេ តែតារាចម្រៀងរូបនេះក៏បានធ្វើជាអ្នកដឹកដៃឱ្យខាងកូនកំលោះផងដែរ។
ក្រោយពីតារាចម្រៀងនិងជាគ្រូបង្វឹករូបនេះបកស្រាយចង្វាក់ក្បាច់នេះហើយ មហាជនពោលសរសើរមិនដាច់ពីមាត់ថា ឱក សុគន្ធកញ្ញា អាចបកស្រាយបានគ្រប់ទម្រង់មិនថាទម្រង់សម័យឬបុរាណឡើយគឺពីរោះទាំងអស់។
បច្ចុប្បន្ននេះ ឱក សុគន្ធកញ្ញា មិនត្រឹមតែជាកំពូលតារាចម្រៀងជួរមុខប៉ុណ្ណោះទេតែនាងឆក់ឱកាសធ្វើជាគណៈកម្មការ និងគ្រូបង្វឹកនៅក្នុងកម្មវិធីធំៗលំដាប់ពិភពលោករបស់ស្ថានីយទូរទស្សន៍ហង្សមាសរួមទាំងជាBAឱ្យគ្រឿងអលង្ការពេជ្រទៀតផង។ លើសពីនេះមិនត្រឹមតែមានឈ្មោះបោះសំឡេងលើអាជីពសិល្បៈប៉ុណ្ណោះទេ តែក្រឡេកទៅកាន់ជីវិតក្នុងគ្រួសារវិញ ឱក សុគន្ធកញ្ញា កាន់តែមានសុភមង្គលខណៈកំពុងពរពោះកូនទី២៕
