តម្រងនោមមានតួនាទីសំខាន់ណាស់ ក្នុងការជួយផលិតអ័រម៉ូន ច្រោះនូវជាតិពុល និងកាកសំណល់តាមរយៈទឹកនោម និងធានាលំនឹងសារជាតិទឹកនៅក្នុងរាងកាយ។ ហេតុនេះហើយយើងត្រូវថែរក្សាសុខភាពតម្រងនោមឱ្យបានល្អ ប៉ុន្តែការទទួលទានអាហារមួយចំនួនអាចមានផលប៉ះពាល់ដល់តម្រងនោមរបស់អ្នកបាន។ ដូច្នេះហើយខាងក្រោមនេះគឺជាអាហារ ៥ មុខដែលជំងឺតម្រងនោមគួរចៀសវាង៖
១.ទឹកដោះគោ៖ ទឹកដោះគោគឺជាប្រភពដ៏សំខាន់នៃជាតិកាល់ស្យូម និងផូស្វ័រខ្ពស់ ទឹកដោះគោមួយពែងអាចមានផូស្វ័រហូតដល់ទៅ ៣៥% ដែលធ្វើឱ្យប៉ះពាល់យ៉ាងធ្ងន់ធ្ងរដល់អ្នកជំងឺតម្រង់នោម និងធ្វើឱ្យតម្រងនោមរបស់អ្នកដំណើរការមិនល្អ។
២.គ្រាប់ធញ្ញជាតិ៖ ការទទួលទានគ្រាប់ធញ្ញជាតិគឺល្អសម្រាប់ សុខភាព និងកាត់បន្ថយហានិភ័យនៃជំងឺរ៉ាំរ៉ៃផ្សេងៗ។ ប៉ុន្តែការញ៉ាំគ្រាប់ធញ្ញជាតិច្រើន ប្រហែលជាមិនល្អសម្រាប់អ្នកជំងឺតម្រងនោមនោះទេ ព្រោះវាអាចធ្វើឱ្យឆ្អឹងអ្នកជំងឺមានសភាពខ្សោយងាយនឹងបាក់ផងដែរ។
៣.សរីរាង្គសត្វ៖ សរីរាង្គដូចជា ពោះវៀន ថ្លើម ឬខួរក្បាល គឺសុទ្ធតែមានផូស្វ័រខ្ពស់ណាស់ ដែលអ្នកជំងឺតម្រងនោមគួរជៀសវាង ព្រោះអាចបណ្ដាលឱ្យសម្ពាធឈាមឡើងខ្ពស់។
៤.អាហារសមុទ្រ៖ អាហារសមុទ្រភាគច្រើនគឺជាប្រភពដ៏សំខាន់នៃផូស្វ័រ រួមទាំងត្រីសាម៉ុង ត្រីសាឌីន មឹក អយស្ទ័រ និងក្តាមជាដើម។ វាអាចមានរហូតដល់ ៧០% នៃបរិមាណផូស្វ័រ ដូច្នេះហើយអ្នកដែលមានជំងឺតម្រងនោមមិនគួរបរិភោគឡើយ ព្រោះអាចប៉ះពាល់ដល់តម្រងនោមរបស់អ្នកកាន់តែខ្លាំង។
៥.ផ្លែប៊ឺរ៖ ការញ៉ាំផ្លែប៊ឺរច្រើនអាចបង្កគ្រោះថ្នាក់យ៉ាងធ្ងន់ធ្ងរដល់តម្រងនោម ដែលបណ្តាលឱ្យមានអាការៈរមួលក្រពើ និងចង្វាក់បេះដូងមិនប្រក្រតីជាដើម៕
ប្រភព៖sanook
