ក្រោយពីលោក Keisuke Honda បានបញ្ចាប់ភារកិច្ចជាគ្រូបង្វឹកបាល់ទាត់កម្ពុជា លោក Felix Damas នឹងបន្តកិច្ចសន្យារយៈជាមួយសហព័ន្ធកីឡាបាល់ទាត់កម្ពុជារយៈពេល៣ ឆ្នាំពីឆ្នាំ២០២៣-២០២៦។
នៅក្នុងប្រកួតដំបូងរបស់លោក Felix Damas នឹងត្រូវដឹកនាំក្រុមគោព្រៃកម្ពុជា ប៉ះជាមួយបង់ក្លេដេស ដែលជួបគ្នា៣លើកកន្លងមក កម្ពុជាមិនទទួលបានលទ្ធផលនោះទេ ពោលចាញ់១-០ ទាំង៣ប្រកួតតែម្តង។
ខណៈលើកនេះ លោក Felix Damas បានកោះហៅកីឡាករជើងចាស់ជាច្រើនរូបទៀតដូចជា៖ គួច សុកុម្ភៈ សុះ សូហ៊ាណា សារ៉េត គ្រីយ៉ា និងចាន់ វឌ្ឍនាកាជាដើម មករួមក្រុមឡើងវិញ ក្រោយពួកគេខកខានបង្ហាញខ្លួនឱ្យក្រុមជម្រើសជាតិជាច្រើនប្រកួតមក។
សូមបញ្ជាក់ផងដែរថា ការប្រកួតនឹងធ្វើឡើងនៅពហុកីឡដ្ឋានជាតិអូឡាំពិក នៅថ្ងៃទី១៥ ខែមិថុនា ខាងមុខនេះ ខណៈសំបុត្រមាន១៥០០០រៀល និង៣០០០០រៀល៕
