បច្ចុប្បន្នតារាអាស៊ីកំពុងតែមានភាពពេញនិយម មិនចាញ់តារាហូលីវូដប៉ុន្មានទេ ដែលអាចក្តោបឱកាសបានសម្តែងភាពយន្តខ្នាតធំលំដាប់អន្តរជាតិ រួមទាំងម្ចាស់ប្រេនធំៗសម្លឹងឃើញហើយបានក្លាយជាទូតសុឆន្ទៈសាកលម៉ាកយីហោល្បីៗទៀតផងដោយធីបចោលតារាហូលីវូដក៏មាន។ ការជ្រើសរើសតារាអាស៊ីធ្វើជាទូតសុឆន្ទៈនេះគឺដើម្បីជំរុញBrand Name របស់ពួកគេកាន់តែទទួលបានការចាប់អារម្មណ៍កាន់តែខ្លាំង។
ជាក់ស្តែង តារាអាស៊ីខាងក្រោម ជាពិសេសតារាកូរ៉េប៉ុន្មានរូបខាងក្រោមនេះបានក្តោបដំណែងជាទូតសុឆន្ទៈសាកលម៉ាកយីហោប្រណីតៗនៅក្នុងពិភពលោក។
១. Jeno សមាជិក NCT
តារាចម្រៀងកូរ៉េរូបនេះបានក្លាយជាទូតសុឆន្ទៈសាកលដំបូងបង្អស់ខាងបុរសរបស់ម៉ាក Ferragamo ដែលជាម៉ាកយីហោប្រណីតមួយរបស់ប្រទេសអ៊ីតាលី។
២. Yang Yang
តារាសម្ដែងចិនរូបនេះបានសាងភាពល្បីល្បាញក្នុងនាមជាតួឯកប្រុសតាមរយៈរឿងល្បីៗជាច្រើន ទោះមិនសូវនិយាយស្តីលេងសើចច្រើនតែតារាសម្តែងរូបនេះបានឆក់យកបេះដូងអ្នកគាំទ្រមិនតិចនោះទេ។ ជាមួយភាពល្បីល្បាញ Yang Yang បានក្លាយជាទូតសុឆន្ទៈម៉ាកយីហោចុងក្រោយបំផុតរបស់ Valentino ។
៣. Doyoung សមាជិក NCT
ទន្ទឹមនឹងភាពល្បីល្បាញតារាប្រុសរូបនេះបានក្លាយជាទូតសុឆន្ទៈប្រេន Dolce & Gabbana របស់អ៊ីតាលី ហើយជាលោកជាតារាដំបូងសម្រាប់តំណាងប្រទេសកូរ៉េ និងជប៉ុនរបស់ម៉ាកនេះផងដែរ។
៤. Xin Liu
តារាចម្រៀងចិនរូបនេះបានក្លាយជាទូតសុឆន្ទៈផលិតផលទឹកអប់ Gris Dior របស់ប្រេន Dior Beauty កាលពីខែឧសភា ជាមួយស្ទាយ៍តុបតែងខ្លួនតាមភាពច្នៃប្រឌិតរបស់ចម្រៀងរូបនេះផ្ទាល់ ។
តារាសម្តែងកូរ៉េ និង តារាសម្តែងចិន ទាំងពីររូបនេះបានក្លាយជាទូតសុឆន្ទៈម៉ាក Louis Vuitton ដែលជាម៉ាកយីហោដ៏ល្បីក្នុងពិភពលោក។ ការបង្ហាញខ្លួនរបស់តារាប្រុសទាំងពីររូបនេះជាមួយសំលៀកបំពាកអាវធំ ចូលរួមមហោស្រពភាពយន្តនាពេលកន្លងមកទទួលបានការចាប់អារម្មណ៍យ៉ាងខ្លាំង ជារូបរាងសង្ហានិងសំលៀកបំពាក់របស់ពួកគេ។
៦. Jisoo សមាជិក Blackpink
តារាស្រីចេញពីក្រុមចម្រៀងដ៏មានឥទ្ធិពលរូបនេះបានក្តោបតំណែងជាទូតសុឆន្ទៈសាកលរបស់ Dior អស់រយៈពេលជាច្រើនឆ្នាំមកហើយ។ ជាមួយភាពល្បីល្បាញរបស់នាងរាល់ពេលមាន Collection ថ្មីដែល Jisoo បានប្រម៉ូតគឺដាច់ស្តុករហូត។
៧. Haerin សមាជិក NewJeans
ត្រឹមអាយុ១៧ឆ្នាំ តារាចម្រៀងដែលកំពុងឡើងកូដដូចព្យុះរូបនេះបានក្លាយជាទូតសុឆន្ទៈ
Dior សម្រាប់គ្រឿងអលង្ការ fashion និងគ្រឿងសម្អាង។ ក្នុងភាពជាដៃគូនេះតារាស្រីរូបនេះនឹងឱ្យអថិជនជំនាន់ក្រោយកាន់តែមានភាពចាប់អារម្មណ៍ជាមួយម៉ាកយីហោល្បីឈ្មោះនេះ៕
