កម្មវិធី «អំណានឮៗ» ដែលរៀបចំដោយអង្គការ World Vision បានចូលរួមយ៉ាងសំខាន់ដើម្បីលើកកម្ពស់ការអានរបស់កុមារនៅកម្ពុជាតាមរយៈការបរិច្ចាគជាសៀវភៅអានពីថ្នាក់ទី១ដល់ទី៦ ទាំងភាសាខ្មែរ និងជាភាសាអង់គ្លេស ឬតាមការបរិច្ចាគថវិកាពីសប្បុរសធម៌។
យុទ្ធាការសៀវភៅអាន ១០ ០០០ក្បាល ដើម្បីកុមារបានបញ្ចប់ហើយកាលពីថ្ងៃទី២៦ ខែមីនា ម្សិលមិញនេះ។ ក្នុងកម្មវិធី «អំណានឮៗ» មានការចូលរួមពីវាគ្មិនកត្តិយស និងតារាកត្តិយសជាច្រើនរូប ដើម្បីជាផ្នែកមួយក្នុងវិស័យអប់រំកាន់តែរីកចម្រើន ជួយបណ្តុះគំនិតកុមារលើកកម្ពស់ការអានសៀវភៅតាំងពីតូចទៅ និងដើម្បីអក្ខរកម្មកុមារកម្ពុជា។
ក្នុងកម្មវិធីខាងលើ លោកអ្នកអាចបរិច្ចាគជាសៀវភៅអានពីថ្នាក់ទី១ដល់ទី៦ ទាំងភាសាខ្មែរ និងជាភាសាអង់គ្លេស(ឬសៀវវភៅ ១ក្បាល មានតម្លៃ ៣ដុល្លារ) ឬលោកអ្នកអាចធ្វើការបរិច្ចាគជាថវិកាតាមរយៈគណនីធនាគារ ABA: 000 880 848 [World Vision International] ទោះបីជាកម្មវិធីនេះបានបញ្ចប់ហើយក្តី៕
