ឆ្មារបស់កំពូលតារាចម្រៀង Pop អាមេរិក Taylor Swift ឈ្មោះ Olivia Benson បានក្លាយជាសត្វដែលមានទ្រព្យសម្បត្តិច្រើនជាងគេលំដាប់ទី៣ពិភពលោក ដោយមានទ្រព្យប្រមាណជា ៩៧លានដុល្លារ។
ចំណូលនៃទ្រព្យដ៏ច្រើនមហាសាលរបស់សត្វឆ្មានេះ ភាគច្រើនរកបានមកពីបណ្តាញសង្គម Instagram និងការជួលឱ្យថតពាណិជ្ជកម្មផ្សេងៗ ជាមួយតារាចម្រៀងTaylor Swift។
មិនតែប៉ុណ្ណោះ ឆ្មានេះក៏ត្រូវបានតារាចម្រៀង Taylor Swift យកទៅថតនៅក្នុងបទចម្រៀងរបស់គាត់ផងដែរដូចជាបទ “Me និង Blank Space” ជាដើម។ សម្រាប់ Taylor Swift វិញ ដែលជាតារាចម្រៀងស្រីជួរមុខ នៅលើពិភពលោក និងជាម្ចាស់សត្វឆ្មានេះ មានទ្រព្យសម្បត្តិក៏មិនតិចនោះដែរ ពោលគឺ ៤៥០លានដុល្លារ។
ដោយឡែកសត្វចិញ្ចឹមដែលមានទ្រព្យសម្បត្តិច្រើនជាងគេវិញ ជាសត្វឆ្កែពូជ Gunther V ដែលមានទ្រព្យសម្បត្តិដល់ទៅ៥០០លានដុល្លារ ឯណោះ៕
ប្រភព៖ Sports.Yahoo
