សិង្ហបុរី៖ ក្រសួងសុខាភិបាលសឹង្ហបុរី (MOH) បានបញ្ជាក់ពីករណីនាំចូលលើកដំបូងនៃជំងឺអុតស្វា (Monkeypox) លើបុរសជនជាតិអង់គ្លេស អាយុ៤២ឆ្នាំ ដែលគាត់ធ្វើការជាអ្នកបម្រើលើយន្តហោះ ខណៈបុរសនោះស្ថិតនៅក្នុងប្រទេសសិង្ហបុរីចន្លោះពីថ្ងៃទី១៥ ដល់ថ្ងៃទី១៧ ខែមិថុនា ហើយនៅថ្ងៃទី១៩ ខែមិថុនា គាត់បានហោះចូល និងចេញពីប្រទេសសិង្ហបុរី ដោយគាត់បានធ្វើតេស្តវិជ្ជមានចំពោះជំងឺអុតស្នៅថ្ងៃទី២០ ខែមិថុនា។ នេះបើយោងតាមការចុះផ្សាយរបស់សារព័ត៌មាន CNA ។
បច្ចុប្បន្នអ្នកជំងឺខាងលើកំពុងសម្រាកព្យាបាលនៅឯមជ្ឈមណ្ឌលជាតិសម្រាប់ជំងឺឆ្លង (NCID) ហើយចំណែកស្ថានភាពគាត់មានស្ថិរភាពនឹងធឹងល្អ ខណៈការតាមដានទំនាក់ទំនងកំពុងបន្ត។
ដោយបុរសនោះបានចាប់ផ្តើមឈឺក្បាលនៅថ្ងៃទី១៤ ខែមិថុនា និងគ្រុនក្តៅនៅថ្ងៃទី១៦ ខែមិថុនា។ រោគសញ្ញាទាំងនេះបានដោះស្រាយជាបន្តបន្ទាប់ ហើយបន្ទាប់មកគាត់បានកើតកន្ទួលលើស្បែកនៅថ្ងៃទី១៩ ខែមិថុនា ៕