រាជធានីភ្នំពេញ៖ កាលពីយប់ថ្ងៃទី១៦ ខែមិថុនា ឆ្នាំ២០២២ ដែលមហាជនធ្លាប់បានស្គាល់បុគ្គល កក្កដាសុភ័ណ្ឌ បានចូលផឹកស៊ីនៅក្នុងហាងមួយកន្លែង ហើយក៏ត្រូវបានបក្សពួកមួយក្រុមទៀត បានប្រើហិ.ង្សាវា.យតប់គ្នាទៅវិញទៅមក រហូតបែកក្បាលមានការប្ដឹងផ្ដល់នៅប៉ុស្តិ៍នគរបាលរដ្ឋបាលទន្លេបាសាក់។
ជនរងគ្រោះមានឈ្មោះ កក្តដា សោភ័ណ្ឌ ភេទទីបី ស្នាក់នៅ សង្កាត់ទឹកល្អក់២ ខណ្ឌទួលគោក ។ ដោយឡែកជនដៃដល់ ត្រូវបានអោយស្គាល់ឈ្មោះថា កុសម៉ាក ភេទទីបីដូចគ្នា អាយុ២០ឆ្នាំ ស្នាក់នៅសង្កាត់ទន្លេបាសាក់ ខណ្ឌចំការមន បានរត់គេចខ្លួនបាត់ស្រមោល។
បើតាមការរៀបរាប់របស់ កក្តដា សោភណ្ឌ បានអោយដឹងថា មុនពេលកើតហេតុ ពួកគេមានគ្នាបីនាក់ ជាភេទទីបី បានចេញពីខុនដូរនៅខណ្ឌទួលគោក ហើយក៏បានចូលទៅផឹកស៊ីនៅហាងខាងលើ។
លុះពេលកំពុងផឹកស៊ី ក៏មានបក្សពួកមួយក្រុមទៀតមានស្រីមានប្រុស ដែលអង្គុយផឹកស៊ីនៅតុជិតគ្នាប្រមាណ២០នាក់ ពេលនោះមានម្នាក់ក្នុងចំណោមនោះដែលអង្គុយផឹកស៊ីនៅតុជនបង្ក បានមកសុំជល់កែវ ហើយបង្អកស្រាទៅលើរូបនាងអស់កន្លះកែវ ។ ពេលផឹកហើយ រូបនាងក៏បានដើរចេញមកក្រៅហាង ដើម្បីទិញទឹកស្ទីងផឹក តែពេលដើរមកដល់ស្រាប់តែបក្សពួកជនបង្កជាស្រី៣នាក់ បានចាប់ទាញដៃនាងធ្វើអោយធ្លាក់ទូរស័ព្ទរបស់បក្សពួកស្រីៗដែលជាជនបង្ក ស្រាប់តែជនបង្កជាស្រីទាំង៣នាក់នោះ បានអោយរូបនាងសងថ្លៃការខូចខាតទូរសព្ទ័ចំនួន៥០ដុល្លារ តែនាងមិនព្រមសង ព្រោះមិនមែនជាកំហុសរបស់នាង ទើបបង្កឱ្យក្លាយជាទំនាស់ពាក្យសម្ដី រហូតប្រើហិ.ង្សា ដោយខាងភាគីស្រីទាំង៣នាក់នោះ បានយកដៃ និងស្បែកជើងវា.យក្បាលរបស់នាង បណ្តាលអោយរងរបួសបែកក្បាលចំហៀងខាងស្តាំ ហូរឈា.មបន្តិច និងត្រូវត្រង់ក្តោងច្រមុះបន្តិច ដោយនាងទ្រាំមិនបានក៏ត.ដៃប្រវាយប្រតប់វិញ តែត្រូវបានអ្នកនៅទីនោះ នាំគ្នាជួយឃាត់ ដើម្បីបំបែកគ្នារៀងៗខ្លួនតែម្តង ។
ក្រោយពេលកើតហេតុ ភាគីខាងស្រីទាំង៣នាក់ បានជិះម៉ូតូកង់បីគេចចេញទៅបាត់ ចំណែកកក្តដា សោភណ្ឌ រងរបួសតិចតួច ក៏បានទៅលាងរបួស រួចហើយទើបទៅដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលទន្លេបាសាក់ ដើម្បីអោយសមត្ថកិច្ចជួយស្រាវជ្រាវ និងឃាត់ជនបង្កយកមកចាត់ការតាមនីតិវិធី ៕