ខេត្តកំពង់ធំ: មានហេតុការណ៍ដ៏រន្ធត់មួយ បានកើតឡើង កាលពីវេលាម៉ោង២រសៀល ថ្ងៃទី២៦ ខែមេសា ឆ្នាំ២០១៨ នៅក្នុងភូមិគន្ទាក ឃុំសាគ្រាម ស្រុកប្រាសាទបល្ល័ង្ក ខេត្តកំពង់ធំ ដោយមានដើមត្នោតដ៏ធំមួយ មានកំពស់ជាង១០ម៉ែត្រ បានបាក់រលំសង្ក់តលើផ្ទះក្បឿង របស់ប្រជាពលរដ្ឋ ខណៈពេលដែលមានភ្លៀង លាយឡំនិខ្យល់កន្ត្រាក់ គួចបក់បោកយ៉ាងខ្លាំង តែសំណាងល្អ ពុំមានមនុស្សណាម្នាក់ រងរបួសនោះទេ ។
បើយោងតាមអ្នកភូមិ នៅកន្លែងកើតហេតុ បានឲ្យដឹងថា មុនពេលកើតហេតុ មានភ្លៀងធ្លាក់ លាយឡំនិងខ្យល់កន្ត្រាក់ គួចបោកបក់យ៉ាងខ្លាំង ហើយស្រាប់តែពេលនោះ មានដើមត្នោតមួយយ៉ាងធំ ដែលមានអាយុច្រើនឆ្នាំមកហើយនោះ បានបាក់រលំសង្កត់លើផ្ទះក្បឿង របស់ប្រជាពលរដ្ឋ១ខ្នង ធ្វើឲ្យម្ចាស់ផ្ទះព្រលឹងចុងសក់ តែសំណាងណាស់ ដែលពេលនោះមិនមាននរណា នៅលើផ្ទះ និងរងរបួសដោយសារគ្រោះថ្នាក់នេះឡើយ ៕
