ភ្នំពេញ៖ ខណៈដែលលោក ឡាយ វណ្ណៈ ព្រមទាំងបងប្រុសលោក ឡាយ ណារិទ្ធ កំពុងជាប់ចោទពីបទឃាតកម្មលើលោក ស្រី ចេវ សុវឌ្ឍនា កាលពី ខែមករា កន្លងមក ពេលនេះអតីតអភិបាលខេត្តតាកែវ ខាងលើ ត្រូវគណបក្សប្រជាជនកម្ពុជា សម្រេចដកចេញពីសមាជិកបក្សហើយ ដែលការសម្រេចនេះ គឺអនុលោមតាម លក្ខន្តិកៈ និង បទបញ្ជាផ្ទៃក្នុងរបស់ គណបក្សប្រជាជនកម្ពុជា ។
សូមបញ្ជាក់ថា សេចក្ដីសម្រេចរបស់គណបក្សប្រជាជនកម្ពុជាបានចុះកាលពីថ្ងៃទី ១៨ ខែមេសា ឆ្នាំ ២០១៨ និងទើបតែចេញផ្សាយនៅថ្ងៃនេះថា «បញ្ចេញលោក ឡាយ វណ្ណៈ ពីសមាជិកគណបក្សប្រជាជនកម្ពុជា។ ខុទ្ទកាល័យ គណៈចាត់ចែងនៃគណៈកម្មាធិការកណ្ដាល គណៈកម្មាធិការគណបក្សខេត្តតាកែវ និងលោក ឡាយ វណ្ណៈ ត្រូវបានប្រតិបត្តិតាមសេចក្តីសម្រេចនេះ» ៕
