ខេត្តឧត្តរមានជ័យ៖ ដំរីមួយក្បាលបានដើរវង្វេងហ្វូង ចូលមកក្នុងភូមិឋានរបស់ប្រជាពលរដ្ឋ បណ្ដាលឲ្យអ្នកភូមិផ្អើលឆោឡោ កាលពីថ្ងៃទី២២ ខែមេសា ឆ្នាំ២០១៨ នៅត្រង់ចំណុចប្រាសាទពោធិ៍ នៅខាងត្បូងភូមិរំដួលចាស់ ឃុំអំពិល ស្រុកបន្ទាយអំពិល។
ប្រភពព័ត៌មានពីប្រជាពលរដ្ឋ បានឲ្យដឹងថា កាលពីម្សិលមិញនេះ ពួកគាត់បនាឃើញដំរីញីមួយក្បាលបានវង្វេងហ្វូងរបស់វា បានដើរចូលមក តាមព្រំដែនដែលមានចម្ងាយប្រហែល៦គីឡូម៉ែត្រ ហើយវាបានដើររាតត្បាតចម្ការរបស់ប្រជាពលរដ្ឋ។ ឃើញបែបនេះ មន្ត្រីឧទ្យានុរក្សតំបន់ការពារទេសភាពបន្ទាយឆ្មារ ប្រចាំខេត្ដឧត្តរមានជ័យចំនួន២រូប នគរបាលមូលដ្ឋាន និងនគរបាលការពារព្រំដែន ព្រមទាំងប្រជាពលរដ្ឋ បានដើរតាមឃ្លាំមើល និងតាមដានពីសកម្មភាពរបស់វា៕
