ប្រទេសកូរ៉េខាងត្បូង៖ កាលពីពេលថ្មីៗនេះ កញ្ញា ធី សុវណ្ណថា បានចូលរួមប្រកួត ដើម្បីពានរង្វាន់ Queen of the Spa Korea 2018 ហើយនៅទីបំផុត កិច្ចខិតខំប្រឹងប្រែង អស់ពីសមត្ថភាពរបស់កញ្ញា ធី សុវណ្ណថា ដែលចូលរួមប្រកួតប្រជែង «កម្មវិធីរាជនីសម្រស់» លំដាប់ពិភពលោក ទទួលបានពានរង្វាន់ក្នុងកម្មវិធីមួយនេះ ដែលមានចំនួនទឹកប្រាក់រហូតដល់ ៥២ម៉ឺនដុល្លារ។
កញ្ញា ធី សុវណ្ណថា បានវិលត្រលប់មកដល់ទឹកដីកំណើតវិញ នៅថ្ងៃទី១៦ មេសា ២០១៨ វេលម៉ោង១១យប់ បន្ទាប់ពីការប្រគល់រង្វាន់ ចប់សព្វគ្រប់។ កញ្ញាបានប្រាប់ថា ប្រាក់រង្វាន់កម្មវិធី ៣ម៉ឺនដុល្លារ, ២៖ ប្រាក់រង្វាន់កែសម្ផស្ស ៣ម៉ឺនដុល្លារ, ៣៖ ប្រាក់រង្វាន់ទេសចរណ៍ ៣ម៉ឺនដុល្លារ ៤៖ ប្រាក់រង្វាន់ផលិតផល ១ម៉ឺនដុល្លារ, ៥៖ ប្រាក់រង្វាន់កុងត្រាថត ដោយក្រុមហ៊ុន៨ពីប្រទេសកូរ៉េ វៀតណាម ថៃ ម៉ាឡេស៊ី និងកម្ពុជា សរុបជាង ៤២ម៉ឺនដុល្លារ។
កញ្ញាក៏បានបញ្ជាក់ប្រាប់សារព័ត៌មានផងដែរថា ប្រាក់រង្វាន់ដែលកញ្ញាទទួលបាននេះ គឺកញ្ញានឹងបែងចែកជា៤ផ្នែក គឺទី១ ជួយឧបត្ថម្ភធ្វើផ្លូវបេតុង ឃុំត្រើយស្លា ស្រុកស្អាង ខេត្តកណ្តាល.. ២៖ ជួយឧបត្ថម្ភ កម្មវិធីបណ្តុះបណ្តាលរបាំខ្មែរ, ៣៖ ជួយគម្រោង អេកូទេសចរណ៍តំបន់អារ៉ែង, ៤៖ ជូយគម្រោងអាហារូបករណ៍សិស្សក្រីក្រ៕