ខេត្តព្រះសីហនុ៖ ក្មេងស្ទាវម្នាកឃើញសិស្សស្រីស្រស់ស្អាត ធ្វើឲ្យតណ្ហារបស់គេពុះកញ្ជ្រោលឡើង រហូតទ្រាំពុំបាន ក៏គាស់ចម្រឹងបង្អូចចូលទៅប៉ុនប៉ង ចាប់រំលោភសេពសន្ថវៈ តែត្រូវនារីរងគ្រោះប្ដឹងទៅសមត្ថកិច្ចឲ្យចុះមកឃាត់ខ្លួន កាលពីវេលាម៉ោង៣ទៀបភ្លឺ ថ្ងៃទី២២ ខែកុម្ភៈ ឆ្នាំ២០១៨ នៅក្នុងភូមិបឹងរាំង ឃុំសាមគ្គី ស្រុកព្រៃនប់។
មន្រ្ដីនគរបាលស្រុកព្រៃនប់ បានឲ្យដឹងថា ជនសង័្សយជាប់ពាក់ព័ន្ធឹងករណីប៉ុនប៉ងចាប់រំលោភដែលសមត្ថកិច្ចឃាត់ខ្លួន ឈ្មោះ ឡា ហៃ អាយុ២០ឆ្នាំ មុខរបរកម្មករជារោងចក្រ មានលំនៅក្នងភូមិបឹងរាំង ឃុំសាមគ្គី ស្រុកព្រៃនប់ ខេត្តព្រះសីហនុ។ រីឯនារីរងគ្រោះ ឈ្មោះ ប ល អាយុ១៧ឆ្នាំ មុខរបរជាសិស្ស រស់នៅក្នុងឃុំកើតហេតុខាងលើ។
បើតាមសម្ដីរបស់នាងរងគ្រោះ បានឲ្យដឹងថា កាលពីក្បាលព្រលប់ មុនពេលកើតហតុ នាងបានបិទទ្វារហើយចូលដេក ដោយភ្លេចបិទបង្អូច លុះមកដល់វេលាខាងលើ ស្រាប់តែជនសង័្សយបានលួចគាស់ចម្រឹងបង្អូច ប៉ុនប៉ងចូលចាប់នាងរំលោភ។ ប៉ុន្តែនាងបានដឹងខ្លួនទាន់ក៏ស្រែឆោឡោឡើង ធ្វើឲ្យជនសង័្សយភ័យ ផ្លោះតាមប្រហោងចម្រឹងបង្អួចដែលបានហែកនោះ ត្រឡប់ទៅវិញ ហើយក្រោយមកត្រូវសមត្ថកិច្ចឃាត់ខ្លួន ។
បើតាមចម្លើយរបស់ជនសង្ស័យ បានឲ្យដឹងថា ការដែលខ្លួនបានហែកចម្រឹងបង្អួចចូលទៅក្នងបន្ទប់របស់ជនរងគ្រោះ គឺក្នុងគោលបំណងសុំនាងរួមភេទ តែនាងបានស្រែកឆោឡោ ធ្វើឲ្យខ្លួនភ័យ ក៏រត់ចេញមកវិញ។ យោងតាមចម្លើយសារភាពនេះ សមត្ថកិច្ចបានកសាងសំណុំរឿងរបស់ជនសង័្សយបញ្ជូនទៅតុលាការផ្ដន្ទាទោសតាមច្បាប់៕
