ឧត្តរមានជ័យ៖ បុរសម្នាក់បានយកម៉ាស៊ីនទៅកាប់ដើមឈើ ស្រាប់តែជួបនឹងគ្រោះអកុសល ត្រូវដើមឈើរលំ បុកមកត្រូវ បណ្ដាលឲ្យស្លាប់យ៉ាងអណោចអធ័ម កាលពីវេលាម៉ោង៤ និង៣០នាទីល្ងាច ថ្ងៃទី១១ ខែតុលា ឆ្នាំ២០១៧វ នៅភូមិបន្ទាយចាស់ ឃុំព្រះប្រឡាយ ស្រុកត្រពាំងប្រាសាទ ខេត្តឧត្តរមានជ័យ។
មន្ត្រនគរបាលស្រុកត្រពាំងប្រាសាទ បានឲ្យដឹងថា ជនរងគ្រោះ ឈ្មោះ ទុំ ចឺម ភេទប្រុស អាយុ៤៣ឆ្នាំ រស់នៅភូមិបន្ទាយចាស់ ឃុំព្រះប្រឡាយ ស្រុកត្រពាំងប្រាសាទ ខេត្តឧត្តរមានជ័យ។ មុនពេលកើតហេតុ គាត់បានយកម៉ាស៊ីនទៅកាត់ដើមឈើ លុះពេលដើមឈើនោះរលំ ក៏បុកត្រូវជនរងគ្រោះ បណ្ដាលឲ្យរងរបួសធ្ងន់ ហើយដាក់ខ្យល់ស្លាប់ ពេលបញ្ជូនទៅមន្ទីរពេទ្យ។
ក្រោយពេលកើតហេតុ សមត្ថកិច្ចបានចុះទៅពិនិត្យ និងធ្វើកោសល្យវិច័យ ដោយបញ្ជាក់ថា ជនរងគ្រោះពិតជាបានស្លាប់ដោយសារដើមឈើបុកត្រូវដើមទ្រូង ស្លាប់ប្រាកដមែន រួចហើយប្រគល់សាកសពជូនក្រុមគ្រួសារ យកទៅធ្វើបុណ្យតាមប្រពៃណី ៕
