នាវាចម្បាំង និងនាវាមុជទឹករុស្ស៊ី បានធ្វើប្រតិបត្តិការបាញ់ម៉ីសីល ជាច្រើនគ្រាប់ ទៅលើក្រុមឧទ្ទាមដាសស៍(Daesh) នៅក្នុងប្រទេសស៊ីរី។ នេះបើយោងតាម គេហទំព័រសារព័ត៌មាន sputniknews បានចុះផ្សាយនៅថ្ងៃសុក្រ ទី២៣ ខែមិថុនា ឆ្នាំ២០១៧។
ក្រសួងការពារជាតិរុស្ស៊ី បានប្រាប់ឲ្យដឹងថា នាវាចម្បាំង Admiral Grigorovich និងនាវាមុជទឹក Krasnodar បានបាញ់មីស៊ីល 3M-54 ព្រមគ្នាចំនួន ៦គ្រាប់ ពីភាគខាងកើតសមុទ្រមេឌីទែរ៉ាណេ បណ្ដាលឲ្យមេបញ្ជាការ ក្រុមឧទ្ទាមដាសស៍ ស្លាប់ភ្លាមៗ និងកម្ទេចឃ្លាំងអាវុធសម្ងាត់ធំៗ ជាច្រើនទៀត នៅក្នុងខេត្ត Hama ប្រទេសស៊ីរី។
គួរបញ្ជាក់ផងដែរថា នេះជាជោគជ័យដ៏ធំមួយ ដែលក្រសួងការពារជាតិរុស្ស៊ី ទទួលបានព័ត៌មាន ពីការធ្វើសង្គ្រាម ជាមួយក្រុមឧទ្ទាមដាសស៍ ដែលមានរយៈពេលយូរឆ្នាំមកហើយ នៅក្នុងប្រទេសស៊ីរី៕
ផ្តល់សិទ្ធដោយ៖ kqube.net