នៅវេលាម៉ោង ៧ព្រឹក(ម៉ោងនៅអាមេរិក) មានអំពើបាញ់ប្រហារមួយកើតឡើងក្នុងកីឡាដ្ឋានមួយកន្លែងក្នុងរដ្ឋ Virginia ប្រទេសអាមេរិក ដែលបង្កឲ្យមានអ្នករបួសចំនួន ៥នាក់ ក្នុងនោះមានសមាជិកសភាអាមេរិកលោក Steve Scalise ផងដែរ។ នេះបើយោងតាមគេហទំព័រសារព័ត៌មាន BBC បានចុះផ្សាយនាព្រឹកថ្ងៃព្រហស្បតិ៍ ទី១៥ ខែមិថុនា ឆ្នាំ២០១៧។
មន្ត្រីប៉ូលិសអាមេរិកលោក Alexandria បាននិយាយប្រាប់ថា ជនដៃដល់ខាងលើឈ្មោះ James T Hodgkinson អាយុ ៦៦ឆ្នាំ បានផ្លាស់ទីលំនៅពីទីក្រុង Belleville រដ្ឋ Illinois មកកាន់រដ្ឋ Virginia ពីមុនរូបគាត់មានពាក់ពាន់នឹងបទល្មើសព្រហ្មទណ្ឌដូចជា ការចាប់រំលោភ បង្កគ្រោះថ្នាក់ចរាចរណ៍ និងអំពើហិង្សាផ្សេងៗទៀតផងដែរ។
មន្ត្រីរដ្ឋសភាអាមេរិកលោក Mo Brooks បានប្រាប់ឲ្យដឹងថា ជនល្មើសបានបាញ់ប្រហារចំនួន ៥០ទៅ១០០គ្រាប់ នៅពេលបើកការប្រកួតបាល់បោះ នៅកីឡាដ្ឋាន Eugene Simpson Stadium Park ក្នុងទីក្រុង Alexandria រដ្ឋ Virginia ដែលបង្កឲ្យលោក Steve មានរបួសត្រង់ជើង និងអ្នកចូលរួមផ្សេងទៀតរងរបួសដែរ៕ ផ្ដល់សិទ្ធដោយ៖ Kqube
