យោងតាមសេចក្ដីរាយការណ៍មួយ ចេញពីកងទ័ពអាកាសអាមេរិកថា កាលពីថ្ងៃព្រហស្បតិ៍ ម្សិលមិញនេះ យន្តហោះទម្លាក់គ្រាប់បែក ល្បឿនលឿនជាសម្លេងម៉ាក B-1B Lancer សមត្ថភាពនុយក្លេអ៊ែរ ចំនួន ២គ្រឿង របស់បូករួមទាំងនាវាពិឃាត បំពាក់មីស៊ីលរបស់ទ័ពជើងទឹក មួយគ្រឿងទៀត ត្រូវបានបញ្ជូនទៅកាន់ តំបន់សមុទ្រចិនខាងត្បូង បន្ទាប់ពីមានការសម្រេច ពីរដ្ឋាភិបាលលោកដូណាល់ ត្រាំ។
ប្រភពដដែលបានបញ្ជាក់ថា យន្តហោះទម្លាក់គ្រាប់បែក នុយក្លេអ៊ែរ និងនាវាពិឃាត បំពាក់មីស៊ីសខាងលើ ទើបតែបានបញ្ជូនចេញ ពីមូលដ្ឋានទ័ពអាកាស Andersen Air Force ហោះហើរក្នុងរយៈ១០ម៉ោង ទៅកាន់តំបន់ Guam ឆ្លងកាត់តាមដែនទឹកមានជម្លោះ ដោយបេសកកម្មយោធាលើកនេះ ក្នុងគោលបំណង ធ្វើសមយុទ្ធរួមគ្នាជាមួយនាវាពិឃាត USS Sterett ពង្រឹងសមត្ថភាពយោធាមួយកម្រិតទៀត ចំពេលដែលតំបន់មហាសេដ្ឋកិច្ច នៅតំបន់ខាងលើកំពុងរអាក់រអួល។
គួរបញ្ជាក់ផងដែរថា នេះគឺជាការចេញធ្វើប្រតិបត្តិការមួយ រៀបចំមន្ទីរបញ្ចកោណ Pentagon ខណៈរដ្ឋាភិបាលចិន កំពុងពង្រីកអំណាចយោធារបស់ខ្លួន តាមរយៈការដាក់ពង្រាយមីស៊ីលផ្លោងនៅតំបន់ឆ្នេរភាគខាងលិច បូករួមទាំងនាវាផ្ទុកយន្តហោះ និងនាវាប្រយុទ្ធជាច្រើនគ្រឿងទៀត នៅជុំវិញកោះសិប្បនិម្មិត៕
ផ្តល់សិទ្ធដោយ៖ kqube.net
