ស្រ្តីមេម៉ាយកូនមួយវ័យក្មេងម្នាក់ ជិះរថយន្តឈ្នួលមកពីខេត្តស្វាយរៀង មកដើរលេងចូលក្លឹបជាមួយមិត្តភក្ដិនៅភ្នំពេញ ស្រវឹងស្រាចូលដេកផ្ទះសំណាក់ ក៏ត្រូវសង្សាររបស់មិត្តភក្ដិចាប់រំលោភ បង្កឲ្យមានការភ្ញាក់ផ្អើល នៅក្នុងផ្ទះសំណាក់យីហោ សុធារស ផ្លូវសុធារស សង្កាត់ទន្លេបាសាក់ ខណ្ឌចំការមន កាលពីវេលាម៉ោង២និង៤០នាទី រំលងអាធ្រាត្រ ឈានចូលថ្ងៃទី៤ ខែឧសភា ឆ្នាំ២០១៧ ។
នារីរងគ្រោះមានឈ្មោះ វ ច វ ភេទស្រី អាយុ ១៩ឆ្នាំ មានស្រុកកំនើត ភូមិចារ ឃុំចារ ស្រុកព្រៃកប្បាស ខេត្តតាកែវ ទៅធ្វើការនៅខេត្តស្វាយរៀង ជាស្រ្តីមេម៉ាយកូនស្រីអាយុ ២ឆ្នាំ ។
តាមសម្ដីស្រ្តីរងគ្រោះ បាននិយាយថា នាងជាស្រ្តីមេម៉ាយកូនស្រីអាយុ ២ឆ្នាំម្នាក់ បច្ចុប្បន្នកូនស្រីរស់នៅជាមួយម្តាយនៅខេត្តតាកែវ ចំណែករូបនាងបានទៅធ្វើការនៅខេត្តស្វាយរៀង តែមិនបានប្រាប់ថាធ្វើការអ្វីទេ នៅថ្ងៃទី៣ ខែឧសភា រូបនាងនិងមិត្តស្រីម្នាក់ បានជិះរថយន្តឈ្នួលចេញពីខេត្តស្វាយរៀង មកលេងភ្នំពេញ លុះមកដល់ភ្នំពេញ រូបនាងនិងមិត្តស្រីរបស់នាង បានបែកផ្លូវគ្នាដោយរូបនាង បានទៅលេងផ្ទះមិត្តភក្តិរបស់នាងនៅម្ដុំស្ពានដែកចំការដូង លុះដល់ពេលល្ងាចមិត្តភក្ដិស្រីរបស់នាង បានទូរស័ព្ទទៅបបួលនាងទៅហូបអី នៅហាងមួយម្តុំផ្សារអ៊ីអន ដោយឲ្យមិត្តប្រុសរបស់គេមកឌុបនាងទៅ ។
បន្ទាប់មក បានទៅផឹកស៊ីនៅហាងមួយជាមួយមិត្តស្រី និងសង្សាររបស់មិត្តស្រីនោះ សរុបទាំងអស់មានគ្នា ៣នាក់ ។ លុះពេលផឹកស៊ីស្រវឹងបន្តិចហើយ បាននាំគ្នាទៅចូលផឹកស៊ីនៅក្នុងក្លឹបមួយកន្លែងនៅទីក្រុងភ្នំពេញ តែនាងមិនស្គាល់ឈ្មោះក្លឹបនោះទេ លុះដល់ពេលផឹកស៊ីរាំកំសាន្តសប្បាយរីករាយ រូបនាងស្រវឹងយ៉ាងខ្លាំងពេក ក៍បាននាំគ្នាទៅដេកផ្ទះសំណាក់ខាងលើ ដោយបានជួលបន្ទប់មួយ ដែលមានគ្រែ២ ដេកគ្នាបីនាក់ ។
ស្រ្តីរងគ្រោះ បានបន្តទៀតថា នៅពេលមិត្តស្រីរបស់នាងបានដេកគ្រែមួយជាមួយសង្សាររបស់គេ ចំនែករូបនាងបានដេកគ្រែមួយតែម្នាក់ឯង ដោយសាតែរូបនាងស្រវឹងខ្លាំងពេក បានដេកលក់ដោយមិនដឹងខ្លួន ។ ខណៈពេលនោះ ក៏ស្រាប់តែសង្សាររបស់មិត្តភក្ដិនាង បានមកធ្វើសកម្មភាពចាប់រំលោភរូបនាងរហូតបានសម្រេច ទោះបីជានាងខំប្រឹងរើបំរះក៏មិនឈ្នះដែរ ដោយសារតែនាងស្រវឹងខ្លាំង ។
ប្រភពដដែលបានបន្តទៀតថា នៅពេលដែលចាប់រំលោភនាងរួចហើយ ពួកគេទាំងពីរនាក់សង្សារ បាននាំគ្នាចេញពីបន្ទប់ផ្ទះសំណាក់ដើម្បីរត់គេចខ្លួន ស្របពេលនោះ រូបនាងបានរារាំងពួកគេព្រមទាំង អោយអ្នកមើលការ ក្នុងផ្ទះសំណាក់ជួយឃាត់ពួកគេទាំងពីនាក់ តែអ្នកមើលការមិនបានឃាត់ បានបណ្តោយឲ្យអ្នកទាំងពីរនាក់នោះ ជិះម៉ូតូចេញទៅបាត់អស់ទៅ ។
ហេតុការណ៍ខាងលើនេះ បង្កឲ្យមានការរញ៉េរញ៉ៃផ្អើលពេញផ្ទះសំណាក់ទើបខាងម្ចាស់ផ្ទះសំណាក់ បានរាយការណ៍ប្រាប់សមត្ថកិច្ច មកនាំភាគីជនរងគ្រោះ និងម្ចាស់ផ្ទះសំណាក់ទៅសួរនាំនៅប៉ុស្តិ៍នគរបាលទន្លេបាសាក់ ទើបខាងខាងផ្ទះសំណាក់បានបដិសេធថា នៅពេលជនរងគ្រោះ និងមិត្តភក្កិតរបស់គេ ២នាក់ទៀតចេញមកពីក្នុងបន្ទប់ ឃើញដូចមានការឈ្លោះ ប្រកែកគ្នា គាត់ក៏បានសួរថាមានរឿងអី តែនារីរងគ្រោះបានឆ្លើយថា អត់មានរឿងអីនោះទេ ទើបពួកគាត់បានអោយ ២នាក់សង្សារនោះចេញទៅបាត់ហើយ ស្រាប់តែនារីរងគ្រោះស្រែកយំ ផ្អើលគេផ្អើលឯងទើបដឹងរឿងច្បាស់ ។
ក្រោយពេលកើតហេតុ សមត្ថកិច្ចបាននាំម្ចាស់ផ្ទះសំណាក់ ទៅសាកសួររួច ហើយមិនបានឃាត់ខ្លួនខាងផ្ទះសំណាក់ទេ ព្រោះថាមិនមានពាក់ព័ន្ធនឹងផ្ទះសំណាក់ទេ ចំនែកនារីរងគ្រោះបានទៅដាក់ពាក្យបណ្តឹងនៅប៉ុស្ត៍នគរបាលទន្លេបាសាក់ ឲ្យជួយអន្តរាគមន៍ចាប់ជនសង្ស័យ និងមិត្តភ្ដិស្រីរបស់គេយកមកផ្តន្ទាទោសតាមច្បាប់ ៕ សហការី kbn-live.com