KATSEYE បានទទួលការវាយតម្លៃចម្រុះបន្ទាប់ពីការសម្តែងរបស់ពួកគេនៅក្នុងកម្មវិធី Victoria’s Secret Fashion Show 2026 ។ អ្នកទស្សនាមួយចំនួនមានអារម្មណ៍ថាចលនារបស់ក្រុម និងអ្នករាំនៅលើផ្លូវដើរបង្ហាញម៉ូតបានរំខានដល់ការសម្តែងរបស់តារាម៉ូដែល។ ការសម្តែងនេះក៏នាំឱ្យមានការប្រៀបធៀបរវាងការសម្តែងរបស់ KATSEYE និងការបង្ហាញខ្លួនរបស់ TWICE នៅក្នុងកម្មវិធីឆ្នាំ ២០២៥ ផងដែរ។
សមាជិកទាំងបួននាក់គឺ Daniela, Lara, Megan និង Yoonchae បានសម្តែងបទចម្រៀង «Pinky Up» និង «Animal» នៅក្នុងផ្នែក PINK។ ក្រុមនេះបានចេញពីតំបន់ទស្សនិកជន ហើយបានដើរលើផ្លូវដើរបង្ហាញម៉ូត។បន្ទាប់ពីកម្មវិធីបានបញ្ចប់ មតិយោបល់តាមអ៊ីនធឺណិតមួយចំនួនបានផ្តោតលើប្លង់ឆាក។ សមាជិក KATSEYE និងអ្នករាំបានផ្លាស់ប្តូរទាំងនៅចំកណ្តាល និងតាមបណ្តោយចំហៀងនៃផ្លូវដើរ ខណៈពេលដែលតារាម៉ូដែលនៅតែបន្តការដើរ។ វីដេអូមួយចំនួនបានបង្ហាញតារាម៉ូដែលដើរកាត់កណ្តាលក្រុមសម្តែង ដោយកាមេរ៉ាផ្តោតលើការសម្តែងតន្ត្រី។
ការជជែកវែកញែកភាគច្រើនផ្តោតជុំវិញការពិតដែលថាសកម្មភាពលើឆាកកំពុងកើតឡើងក្នុងពេលដំណាលគ្នាដែលធ្វើឱ្យអ្នកទស្សនាពិបាកផ្តោតលើការដើរបង្ហាញម៉ូត។ ក្រៅពីការរិះគន់លើឆាក KATSEYE ក៏ទទួលបានមតិប្រតិកម្មវិជ្ជមានចំពោះថាមពល និងក្បាច់រាំរបស់ពួកគេ។ការសម្តែងរបស់ KATSEYE ក៏ត្រូវបានគេប្រៀបធៀបទៅនឹងការសម្តែងរបស់ TWICE នៅក្នុងកម្មវិធី Victoria’s Secret Fashion Show 2025 ផងដែរ។
នៅពេលនោះ Nayeon, Jihyo, Momo និង Tzuyu បានសម្តែងបទចម្រៀងពីរបទគឺ «This Is For» និង «Strategy”»ក្នុងផ្នែក PINK។ ទោះបីជាមានអ្នករាំបម្រុងក៏ដោយ TWICE ភាគច្រើនសម្តែងនៅសងខាង និងខាងក្រោយនៃផ្លូវដើរ ដោយកំណត់ចលនារបស់ពួកគេទៅកណ្តាល ដើម្បីផ្តល់ឱ្យតារាម៉ូដែលនូវកន្លែងទំនេរបន្ថែមទៀតដើម្បីដើរលើផ្លូវម៉ូត។ ទន្ទឹមនឹងនេះ KATSEYE បានប្រើប្រាស់តំបន់កណ្តាលទាំងមូលនៃផ្លូវដើរ។ ដូច្នេះ តារាម៉ូដែល សមាជិក និងអ្នករាំតែងតែបង្ហាញខ្លួននៅក្នុងស៊ុមតែមួយ។ ភាពខុសគ្នានៃប្លង់នេះគឺជាចំណុចមួយដែលអ្នកទស្សនាបានកត់សម្គាល់ឃើញនៅពេលប្រៀបធៀបការសម្តែងទាំងពីរ។
Katseye មិនមែនជាសិល្បករតែម្នាក់គត់ដែលទទួលបានការរិះគន់ស្រដៀងគ្នានេះនៅក្នុងព្រឹត្តិការណ៍ឆ្នាំនេះទេ។ តារាចម្រៀង Megan Moroney ក៏ត្រូវបានទស្សនិកជនមួយចំនួនរិះគន់ចំពោះការសម្តែងតន្ត្រីរបស់នាងដែលរំខានដល់តារាម៉ូដែល។ នេះបង្ហាញថាការរៀបចំសិល្បករ និងតារាម៉ូដែលនៅលើផ្លូវដើរបង្ហាញម៉ូតក៏ជាបញ្ហាមួយនៅក្នុងកម្មវិធីឆ្នាំនេះផងដែរ៕
