Shu Qi ប្រឆាំងនឹងពេលវេលាមិនចាស់តាមវ័យទោះអាយុ៥០ឆ្នាំនៅតែស្រស់ស្អាត

យោងតាមប្រព័ន្ធផ្សព្វផ្សាយចិននៅល្ងាចថ្ងៃទី២១ ខែសីហា តារាសម្តែង Shu Qi បានចូលរួមកម្មវិធីសម្ពោធពិព័រណ៍គ្រឿងអលង្ការថ្មីមួយក្នុងនាមជាទូតសុច្ឆន្ទៈសកល។ តារាស្រីរូបនេះបានស្លៀករ៉ូបពណ៌ផ្កាឈូកដោយបង្ហាញពីរាងដ៏ទាក់ទាញរបស់ខ្លួន។ រ៉ូបនេះគឺមានការរចនាបែបបើកស្មាដែលបានបង្ហាញពីសម្រស់ដ៏ទាក់ទាញរបស់អ្នកស្លៀក។

ភ្លាមៗនោះសម្រស់ដ៏ស្រស់ស្អាតរបស់ Shu Qi ក្នុងវ័យ៥០ ឆ្នាំបានក្លាយជាប្រធានបទពិភាក្សាដ៏ក្តៅគគុកនៅលើ Weibo ជាមួយនឹងពាក្យគន្លឹះថា «តើ Shu Qi អាចព្រួយបារម្ភអំពីអ្វីបាននៅពេលដែលតារាស្រីរូបនេះនៅតែស្រស់ស្អាតយ៉ាងនេះ?»។ មានមនុស្សជាច្រើនសរសើរបានសរសើរពីសម្រស់តារាស្រីរូបនេះទាំងភាពឆើតឆាយ ភាពស្ងប់ស្ងាត់របស់ស្រ្តី មិនថាស្លៀកពាក់អ្វីក៏ដោយនៅតែជាខ្លួនឯងដែលមិនអាចប្រកែកបាន។

តារាស្រី Shu Qi បានចែករំលែកថាអ្នកស្រីមិនបារម្ភពីភាពចាស់ជរា ឬមានស្នាមជ្រួញលេចឡើងនៅលើមុខនោះទេផ្ទុយទៅកាន់តែជឿជាក់ថា ជំនួសឱ្យការចំណាយពេលព្រួយបារម្ភអំពីភាពចាស់ជរា មនុស្សម្នាក់គួរតែផ្តោតលើការងារ។ ទំនុកចិត្ត និងធម្មជាតិដែលមានសេរីភាពរបស់ខ្លួនគឺជាអ្វីដែលធ្វើឱ្យ Shu Qi មានភាពទាក់ទាញខ្លាំង។

ដើម្បីរក្សារាងដ៏ល្អឥតខ្ចោះនៅអាយុ ៥០ ឆ្នាំ Shu Qi បានកំណត់ច្បាប់មួយគឺមិនបរិភោគអាហារក្រោយម៉ោង ៦ ល្ងាច និងជៀសវាងអាហារចៀនជាដាច់ខាត។ តារាស្រីរូបនេះបានបង្ហាញថាបន្ទាប់ពីអាយុ ៣៥ឆ្នាំ រាងកាយត្រូវការសាច់បន្តិច។ ប្រសិនបើអ្នកស្គមពេក ស្បែករបស់អ្នកនឹងក្លាយទៅជារដុបនិងយារធ្លាក់។

Shu Qi ក៏តែងតែរក្សាទម្ងន់របស់ខ្លួននៅត្រឹម ៥០ គីឡូក្រាមផងដែរ។ តារាសម្តែងរូបនេះធ្លាប់បានបង្កឱ្យមានភាពចម្រូងចម្រាសជាមួយនឹងពាក្យសម្តីរបស់ខ្លួនថា «សម្រាប់សិល្បករដូចជាពួកយើង ការធាត់លើសទម្ងន់គឺដូចជាការប្រព្រឹត្តបទឧក្រិដ្ឋ» ប៉ុន្តែនេះគឺជាតម្រូវការទូទៅមួយនៅក្នុងឧស្សាហកម្មកម្សាន្តចិន៕