នៅក្នុងរឿងភាគ «Siren’s Kiss» ដែលចាក់ផ្សាយពីរភាគក្នុងមួយសប្តាហ៍នៅលើកញ្ចក់ទូរទស្សន៍ tvN តារាសម្តែង Park Min Young បានដើរតួជា Han Seol Ah ដែលជាអ្នកដេញថ្លៃសិល្បៈដែលលាក់អាថ៌កំបាំងមួយ។ តួអង្គរបស់ Park Min Young ក្លាយជាជនសង្ស័យបន្តិចម្តងៗនៅក្នុងឃាតកម្មទាក់ទងនឹងការធានារ៉ាប់រងជាបន្តបន្ទាប់ បន្ទាប់ពីអតីតគូស្នេហ៍របស់នាងបានស្លាប់ជាបន្តបន្ទាប់។ ការវិវត្តនេះនាំឱ្យមានការស៊ើបអង្កេតដោយ Cha Woo Seok ដែលជាអ្នកស៊ើបអង្កេតធានារ៉ាប់រងដែលដើរតួដោយ Wi Ha Joon។
ដើម្បីបង្ហាញតួនាទីនេះឱ្យបានពេញលេញ Park Min Young មិនត្រឹមតែស្រកទម្ងន់ប៉ុណ្ណោះទេ ថែមទាំងបានផ្លាស់ប្តូរទម្លាប់ប្រចាំថ្ងៃរបស់នាងទៀតផង។ អំឡុងពេលថតរឿង នាងនៅតែរក្សាទម្លាប់ផឹកទឹកលើសពី ៣ លីត្រក្នុងមួយថ្ងៃ។ យោងតាមក្រុមផលិតករ ជម្រើសនេះត្រូវបានធ្វើឡើងដើម្បីបង្ហាញស្ថានភាពជាក់ស្តែងដែលតួអង្គ Han Seol Ah រស់នៅដោយផឹកស្រាវីស្គី និងទឹកជារៀងរាល់ថ្ងៃស្ទើរតែគ្មានអាហារគ្រប់គ្រាន់។
ការរៀបចំយ៉ាងល្អិតល្អន់របស់ Park Min Young បានជួយ Han Seol Ah ឱ្យមានការចាប់អារម្មណ៍យ៉ាងខ្លាំងតាំងពីឈុតឆាកដំបូងៗមកម្ល៉េះ។ ជាមួយនឹងការផ្លាស់ប្តូរទឹកមុខបន្តិចបន្តួច ពេលខ្លះសោកសៅ និងពេលខ្លះទៀតត្រជាក់ខ្លាំង Park Min Young បានដើរតួយ៉ាងល្អ។
ជាមួយនឹងតួនាទីថ្មីរបស់នាង Park Min Young បន្តបង្ហាញពីភាពធ្ងន់ធ្ងរ និងវិន័យរបស់នាងក្នុងការរៀបចំសម្រាប់តួអង្គនេះ ចាប់ពីរូបរាងរបស់នាងរហូតដល់ស្ថានភាពអារម្មណ៍របស់នាង។ «Siren’s Kiss» បច្ចុប្បន្នចាក់ផ្សាយជារៀងរាល់ថ្ងៃច័ន្ទ និងថ្ងៃអង្គារ នៅលើប៉ុស្តិ៍ tvN។
តាមរយៈរឿងភាគ « Marry My Husband» Park Min Young កើនឡើងប្រជាប្រិយភាពយ៉ាងខ្លាំង។ យ៉ាងណាមិញ នាងបានបរាជ័យតាមរយៈខ្សែភាពយន្ត «Confident Queen» ដោយទទួលបានការវាយតម្លៃយ៉ាងទាប។ សម្រាប់រឿងភាគដែលកំពុងចាក់ផ្សាយនេះនឹងជួយ Park Min Young ស្រោចស្រង់កេរ្តី៍ឈ្មោះមកវិញ៕
