ថៃឈ្លោះគ្នាឯងបែ.កផ្សែង! ក្រោយអនុញ្ញាតឲ្យគ្រូអាគមន៍ជនជាតិកាមេរូនម្នាក់ចូលធ្វើពិធីនៅភូមិជោគជ័យ

ប្រើគ្រប់វិធីអស់ហើយឲ្យតែបានទឹកដីខ្មែរ! ក្រោយប្រើកម្លាំងវា.យទៅមិនរួច ការទូតមិនឈ្នះ លេងល្បិចក៏គ្មានអ្នកជឿ ចាក់សម្លេងឆ្កែលូ និងខ្មោចលងក៏មិនបានផល ពេលនេះថៃស្រាប់តែនឹកឃើញវិធីសាស្រ្តថ្មីមួយទៀត នោះគឺអញ្ជើញគ្រូអាគមន៍ជនជាតិកាមេរូន មកធ្វើពិធីបែបអបិយជំនឿនៅភូមិបានណងចាន់ ទល់មុខនឹងភូមិជោគជ័យ ដោយបានបង្ករជាមតិចម្រូងចម្រាស់វែកញែករវាងថៃគ្នាឯងពេញបណ្ដាញសង្គម។

យោងតាមការចុះផ្សាយរបស់សារព័ត៌មាន Nation Photo នៅថ្ងៃទី12 ខែតុលា ឆ្នាំ2025 បានឲ្យដឹងថា កាលវេលាម៉ោង 7:20 យប់ Mr Diamond ឬហៅថា លោកពេជ្រ ដែលជាគ្រូអាគមន៍ ជនជាតិកាមេរូន បានមកធ្វើពិធីសូត្រមន្តនៅចំណុចរបងបន្លាលួស ក្នុងភូមិបានណងចាន់ ទល់មុខនឹងភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។ លោកបានពន្យល់ថា ពិធីនេះគឺផ្អែកលើជំនឿរបស់ជនជាតិកាមេរូន ដែលជាការធ្វើសេចក្តីប៉ងប្រាថ្នា និងការអុជធូបលើដី រួចវានឹងជួយសម្រេចសេចក្តីប្រាថ្នានោះ។

បន្ថែមពីនេះ គ្រូអាគមន៍ខាងលើបានបញ្ជាក់ថា លោកមានបំណងទៅស្នាក់នៅ Ban Nong Jan ដើម្បីធ្វើពិធីមន្តអាមន៍ចំនួន៧ថ្ងៃតែម្ដង។ ក្រោយពីឃើញសកម្មភាព និងការលះបង់នេះ ពលរដ្ឋថៃដែលជាអ្នកមានជំនឿងប់ងល់ និងមានគំនិតចង់បានទឹកដីខ្មែរមកធ្វើជាកម្មសិទ្ធិគ្រប់គ្រងរបស់ថៃដោយមិនអៀនខ្មាស បានហៅគ្រូអាគមន៍នេះថាជា «ជនជាតិកាមេរូនបេះដូងថៃ» ព្រោះគាត់បានធ្វើអ្វីៗដែលខ្លួនអាចធ្វើបានដើម្បីជួយដល់ប្រទេសថៃ។

យ៉ាងណាក៏ដោយ ការណ៍នេះបានជំរុញឲ្យមានមតិចម្រុះជាច្រើននៅក្នុងប្រព័ន្ធផ្សព្វផ្សាយរបស់ថៃ ដោយមានទាំងអ្នកគាំទ្រ និងមិនគាំទ្រចំពោះសកម្មភាពនេះ។ ក្រុមមនុស្សដែលមិនគាំទ្រជាច្រើន បានលើកឡើងថាការធ្វើពិធីបែបជំនឿសាសនាផ្ដេសផ្ដាសស្របពេលដែលស្ថានភាពកំពុងមានភាពតានតឹងនឲបែបនេះ អាចនឹងនាំឲ្យថៃក្លាយជាតួកំប្លែងសម្រាប់គូជម្លោះសើចចម្អកតែប៉ុណ្ណោះ។

ខណៈមតិគាំទ្រ បានវា.យបកជាមួយពាក្យសំដីខ្លាំងៗដាក់ជនជាតិថៃគ្នាឯងវិញថា ពួកគេមិនខ្វល់នោះទេ អ្នកណាក៏ដោយឲ្យតែមានចិត្តធ្វើអ្វីមួយដើម្បីប្រទេសថៃ នោះសុទ្ធតែគួរឲ្យគោរពទាំងអស់ ផ្ទុយពីជនមួយចំនួន ដែលមានសញ្ជាតិជាថៃតែមានបេះដូងជាខ្មែរ មករិះគន់តែថៃគ្នាឯងកាន់ជើងខ្មែរទៅវិញ។

ជាមួយគ្នានេះ គួរបញ្ជាក់ថា អស់រយៈពេល២យប់មកហើយ ដែលថៃបានបង្កការរំខានដល់ពលរដ្ឋខ្មែរនៅភូមិជោគជ័យ និងភូមិព្រៃចាន់ តាមរយៈការចាក់សម្លេងលឺខ្លាំងៗរំខានដំណេក ដែលជាស្នាដៃរបស់បុគ្គលជ្រុលនិយមថៃ កាន់ ចមផ្លាំង សហការជាមួយកងកម្លាំងបូព៌ា ដើម្បីឲ្យពលរដ្ឋកម្ពុជាសម្រាកមិនបានរួចនឹងធ្វើការចាក់ចេញពីទីនោះដោយឯកឯង។

ទង្វើនេះ ត្រូវបានចាត់ទុកថាជាការប្រព្រឹត្តល្មើសនឹងច្បាប់សិទ្ធិមនុស្សអន្តរជាតិ ជាការធ្វើទារុណកម្មផ្លូវចិត្ត ក្រោមអនុសញ្ញា CAT [Convention Against Torture] ខណៈដែលថៃក៏ជាប្រទេសនៃរដ្ឋភាគីរបស់អនុសញ្ញានេះ”។ បន្ថែមពីនេះ កម្ពុជាបានដាក់ញត្តិបន្ទាន់មួយផ្ញើទៅកាន់ស្នងការជាន់ខ្ពស់នៃអង្គការសហប្រជាជាតិ លោក Volker Türk ដោយបានអំពាវនាវដល់ស្ថាប័ននេះ ឲ្យធ្វើការស៊ើបអង្កេត និងបញ្ឈប់គ្រប់សកម្មភាពដែលគំរាមកំហែងផ្លូវចិត្តប្រជាជនកម្ពុជាជាបន្ទាន់៕