Cheng Yi និង Lin Gengxin សហការគ្នាក្នុងរឿងថ្មីមួយ

បន្ទាប់ពី «The Journey of Legend» បានបញ្ចប់ ថ្មីៗនេះ Cheng Yi បានចាប់ផ្តើមថតរឿងថ្មី «Fifteen Days Between Two Capitals»។ នេះគឺជាគម្រោងភាពយន្តមានតួឯកប្រុសពីរនាក់ ដែលជាការសហការគ្នាដំបូងរវាងអ្នកទាំងពីរ។

នៅលើ Weibo ក្រុមការងារភាពយន្តបានអាប់ដេតយ៉ាងរហ័សនូវវីដេអូនៅពីក្រោយឆាករបស់តារាសម្តែងទាំងពីរ។ គួរឱ្យកត់សម្គាល់រូបភាពរបស់ Cheng Yi ស្លៀកពណ៌ស និង Gengxin ស្លៀកពណ៌ខ្មៅ តស៊ូនៅក្រោមទឹកដើម្បីតោងបន្ទះឈើទទួលបានការចាប់អារម្មណ៍យ៉ាងខ្លាំងពីទស្សនិកជន។ យោងតាមការលាតត្រដាងពីមុន ខ្សែភាពយន្តនេះនឹងមានសកម្មភាព និងឈុតក្បាច់គុនជាច្រើន រួមជាមួយនឹងសាច់រឿងដ៏ទាក់ទាញ។ ភាពយន្តនេះមិនផ្តោតលើស្នេហាទេ ប៉ុន្តែផ្តោតសំខាន់ទៅលើសាច់រឿងរបស់តួឯកប្រុសពីរនាក់គឺ Cheng Yi និង Lin Gengxin ។

ការសហការគ្នារវាងតួប្រុសទាំងពីរដួងក្នុងប្រភេទរឿងប្រវត្តិសាស្ត្របានធ្វើឱ្យអ្នកគាំទ្រមានការរំពឹងទុកយ៉ាងខ្លាំង។ ទោះយ៉ាងណាក៏ដោយ មនុស្សជាច្រើនសង្ស័យភាពស៊ីចង្វាក់គ្នារវាង Cheng Yi និង Lin Gengxin ហើយខ្លាចមានម្នាក់លើសម្នាក់ទៀត។

«Fifteen Days Between Two Capitals» ត្រូវបានកែសម្រួលពីប្រលោមលោកដែលមានឈ្មោះដូចគ្នារបស់ Ma Boyong។

នៅក្នុងខែទី៥ នៃឆ្នាំដំបូងនៃរជ្ជកាលរបស់អធិរាជ Hongxi កំឡុងរាជវង្ស Ming ព្រឹត្តិការណ៍ដ៏រន្ធត់មួយបានកើតឡើងដែលលាតសន្ធឹងលើរាជធានីទាំងពីរ ដែលបង្ខំឱ្យព្រះអង្គម្ចាស់ Zhu Zhanji ត្រូវធ្វើដំណើរជាង ២,០០០ ម៉ាយក្នុងរយៈពេល ១៥ថ្ងៃពី Nanjing ទៅកាន់ Beijing ដើម្បីជួយសង្រ្គោះខ្លួនឯង និងរាជវង្ស Ming ។ វាជាកិច្ចការស្ទើរតែមិនអាចទៅរួច ប៉ុន្តែគ្មានជម្រើសទេហើយដំណើរនោះហ៊ុព័ទ្ធដោយសត្រូវ។ រឿងនេះត្រូវបានគេរំពឹងថានឹងថតរយៈពេល ៤ ខែ ហើយនឹងចាក់ផ្សាយនៅចុងឆ្នាំ២០២៦៕