រាជរដ្ឋាភិបាលកម្ពុជា តាមរយៈប្រព័ន្ធស្បៀងបម្រុងកម្ពុជា (ប.ស.ប.ក) បានត្រៀមបម្រុងគ្រាប់ពូជស្រូវ និងដំណាំចម្រុះ ២ ០៥០តោន ដើម្បីចែកជូនកសិករដែលរងគ្រោះដោយទឹកជំនន់។
នៅក្នុងនោះ ពូជស្រូវមានចំនួន ២ ០០០តោន និងគ្រាប់ពូជបន្លែ ដំណាំរួមផ្សំទៀត ៥០តោន ដើម្បីឱ្យកសិករស្តារដំណាំឡើងវិញ ក្រោយពីទឹកស្រក។
តាមគោលការណ៍គ្រប់គ្រង និងការចាត់ចែងសន្និធិស្បៀង និងគ្រាប់ពូជបម្រុង គ្រាប់ពូជស្រូវ គ្រាប់បន្លែ និងដំណាំរួមផ្សំទាំងអស់នេះ ត្រូវបានផលិត និងរក្សាទុកយ៉ាងហ្មត់ចត់ ដោយអនុលោមតាមលក្ខខណ្ឌបច្ចេកទេសនៃការផលិត។
យោងតាម លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិ គ្រប់គ្រងគ្រោះមហន្តរាយ បានឱ្យដឹងថា ឥទ្ធិពលខ្យល់ព្យុះក្នុងតំបន់ បានធ្វើឱ្យខេត្តចំនួន១១របស់កម្ពុជា រងការជន់លិច ដោយសារគ្រោះទឹកជំនន់ទឹកភ្លៀង ដែលបានធ្វើឱ្យប៉ះពាល់ដល់ក្រុង-ស្រុក ប្រមាណជា៤៦ទីតាំង ដែលគិតជាគ្រួសារមានជាង៣ម៉ឺនគ្រួសារ ។.png)
គួរបញ្ជាក់ថា គិតត្រឹមឆមាសទី១ ឆ្នាំ២០២៥នេះ ដំណាំស្រូវចំនួន ៩ ៥៥៧ហិកតា ស្ថិតក្នុងខេត្តចំនួន ៧ របស់កម្ពុជា បានរងផលប៉ះពាល់ដោយសារជំនន់ទឹកភ្លៀង៕.png)
