ត្រាំ គំរាមយកមូលដ្ឋានទ័ពអាកាសអាមេរិក ពីតាលីបង់​

លោកដូណាល់ ត្រាំ បានចេញបញ្ជាឱ្យរដ្ឋាភិបាលអាមេរិក ធ្វើយ៉ាងណា ដើម្បីចូលទៅគ្រប់គ្រងដ្ឋានទ័ពអាកាស Bagram របស់ខ្លួនឡើងវិញ។

ត្រាំ បានគំរាមយកមូលដ្ឋានទ័ពនេះមកវិញ តែត្រូវបានរដ្ឋាភិបាលតាលីបង់ ចេញមកបដិសេធ ដោយអះអាងថាគ្មានកិច្ចព្រមព្រៀងប្រគល់មូលដ្ឋានទ័ពអាហ្វហ្កានីស្ថានទៅឱ្យអាមេរិកនោះទេ។

មូលដ្ឋាន Bagram ស្ថិតនៅចម្ងាយប្រមាណ ៥០គីឡូម៉ែត្រពីទីក្រុងកាប៊ូល ដែលអាមេរិកបានបោះបង់ចោល ក្រោយដកទ័ពចេញពីប្រទេសអាហ្វហ្កានីស្ថាន អំឡុងឆ្នាំ២០២១ ។

ត្រាំ ចង់បានមូលដ្ឋានទ័ពនេះមកវិញ ដើម្បីកាត់បន្ថយឥទ្ធិពលប្រទេសចិន ទៅលើប្រទេសអាហ្វហ្កានីស្ថាន ជាពិសេសវានៅជិតទីតាំងផលិតអាវុធនុយក្លេអ៊ែររបស់ចិន។

មូលដ្ឋាន Bagram សាងសង់ឡើងដោយសហភាពសូវៀតនៅ១៩៥០ មុននឹងត្រូវបានអាមេរិកចូលទៅគ្រប់គ្រងនៅសម័យសង្រ្គាមត្រជាក់។

អាមេរិកបានគ្រប់គ្រងមូលដ្ឋាននេះតាំងពីឆ្នាំ២០០១ ដល់ឆ្នាំ២០២១ ដោយបានផ្តួលរំលំអំណាចរបស់ពួកតាលីបង់នៅអាហ្វហ្កានីស្ថាន៕