រឿងថ្មីរបស់ Jun Ji Hyun ទទួលបានមតិវិជ្ជមានពីអ្នកទស្សនា

តារាសម្តែង Jun Ji Hyun តួឯកស្រីក្នុងរឿង «My Love from the Star» ទើបតែចេញរឿងថ្មី មានចំណងជើងថា «Tempest» របស់ Disney+ ជាមួយនឹងតារាសម្តែង Kang Dong Won ហើយកំពុងទទួលបានការសរសើរជាច្រើន។ រឿងនេះចំណាយថវិកាផលិតរហូតដល់ ៧០ពាន់លានវ៉ុនប្រមាណ៥០.៤លានដុល្លារបានចេញជា៣ភាគដំបូងជាផ្លូវការហើយ។

មុនពេលចាក់បញ្ចាំងរឿងនេះបានទាក់ទាញការចាប់អារម្មណ៍នៅពេលដែលតួសំខាន់ទាំងពីរគឺជាមុខមាត់ដ៏ល្បីរបស់ខ្សែភាពយន្តកូរ៉េគឺតារាសម្តែង Jun Ji Hyun និង Kang Dong Won ។ លើសពីនេះ វត្តមានរបស់តារាសម្តែងផ្សេងទៀតក៏បានរួមចំណែកបង្កើតតួសម្តែងខ្លាំងផងដែរ។ ៣ភាគដំបូងនៃស៊េរីនេះបានទទួលការវាយតម្លៃជាវិជ្ជមានសម្រាប់ការសម្ដែងជាមួយតួអង្គ និងទិសដៅតឹងតែងនៃសាច់រឿង។

រឿងនេះចាប់ផ្តើមជាមួយនឹងឧប្បត្តិហេតុដ៏រន្ធត់មួយដែលបេក្ខជនប្រធានាធិបតី Jun Ik សម្តែងដោយ Park Hae Joon ត្រូវបានបាញ់សម្លាប់។ ភរិយារបស់ Jun Ik គឺ Moon Joo ដែលសម្តែងដោយ Jun Ji Hyun ដែលជាអតីតឯកអគ្គរដ្ឋទូតអង្គការសហប្រជាជាតិ ហើយសម្រេចចិត្តលាតត្រដាងការពិត តាមរយៈការតាមដានបុរសអាថ៌កំបាំង San Ho សម្តែងដោយ Kang Dong Won ដែលបានជួយសង្គ្រោះនាងនៅកន្លែងកើតហេ

ដោយរកឃើញដានគួរឱ្យសង្ស័យដែលបន្សល់ទុកដោយស្វាមីរបស់ខ្លួនតួស្រីសម្រេចចិត្តចូលប្រឡូកក្នុងឆាកនយោបាយផ្ទាល់ខ្លួនដើម្បីលាតត្រដាងការឃុបឃិតដ៏ខ្មៅងងឹត។

ទស្សនិកជនបានសរសើរឈុតឆាកសម្ដែងរបស់តារាសម្ដែង Kang Dong Won។ ក្នុងនាមជាអតីតភ្នាក់ងារពិសេស សមត្ថភាពរបស់ San Ho ក្នុងការបន្សាបការគម្រាមកំហែងក្នុងស្ថានភាពគ្រោះថ្នាក់ និងប្រតិកម្មយ៉ាងឆាប់រហ័សក្នុងវិបត្តិ ធ្វើឱ្យមានទិដ្ឋភាពដ៏អស្ចារ្យមួយចំនួន។ ត្រូវបានការពារដោយ San Ho តួស្រី Moon Joo បានថ្លែងសុន្ទរកថាដ៏មានអានុភាព និងគួរឱ្យចាប់អារម្មណ៍នៅឯការប្រកាសយុទ្ធនាការនេះ ដោយទាក់ទាញការចាប់អារម្មណ៍ពីសាធារណជន និងជំរុញការទន្ទឹងរង់ចាំសម្រាប់ដំណើរទៅមុខរបស់នាង។

នៅលើប្រព័ន្ធផ្សព្វផ្សាយសង្គម ឈុតឆាកដែល San Ho ធានាដល់ Moon Joo និងជួយនាងក្នុងការបំផ្ទុះគ្រាប់បែកនៅលើរថភ្លើង បានផ្ទុះឡើងជាមួយនឹងមតិជាច្រើនដែលសរសើរអំពីភាពស៊ីចង្វាក់គ្នារវាងតារាសម្តែង Jun Ji Hyun និង Kang Dong Won ៕