អ្នកលេងបណ្តាញសង្គមមួយចំនួនបានបង្ហាញការហួសចិត្តមិនតិចនោះទេបន្ទាប់ពីបុរសម្នាក់បានបង្ហាញការស្រលាញ់ងប់ងល់ខ្លាំងមកកាន់តារាចម្រៀង លីម តិចម៉េង រួមទាំងបង្ហាញការឈឺចាប់ទៀតផង។ យ៉ាងណាមិញ ក្រៅពីបង្ហាញការស្រលាញ់ បុរសនោះថែមទាំងជេរប្រមាថរហូតម្ចាស់ពានរូបនេះអត់ទ្រាំមិនបានចេញមកព្រមាន។
កាលពីខែសីហា លីម តិចម៉េង ធ្លាប់ចេញមកច្រានចោលទំនាក់ទំនងស្នេហាភេទដូចគ្នាដោយលោកអះអាងថាពុំធ្លាប់មានទំនាក់ទំនងបែបនេះនោះទេហើយអនាគតក៏ដូចគ្នា។ មុននឹងចេញមកច្រានចោលបែបនេះ អ្នកលេងបណ្តាញសង្គមបានចាប់អារម្មណ៍នឹងគណនីទិកតុកមួយមានឈ្មោះថា «គុណ ពៅណា ប្រពន្ធ លីម តិចម៉េង» បានបង្ហោះវីដេអូជាច្រើនទាំងបង្ហាញការស្រលាញ់និងការខូចចិត្តចំពោះតារាចម្រៀងរូបនេះ។
ស្ថានភាពរបស់បុរសរូបនេះនៅតែបង្ហាញការងប់ងល់មកកាន់តារាចម្រៀង លីម តិចម៉េង រហូតដល់ថ្មីៗនេះថែមទាំងជេរប្រមាថមកកាន់ តិចម៉េង ថែមទៀតរហូតលោកអត់ទ្រាំពុំបានចេញមកព្រមាន។ នៅយប់ថ្ងៃទី១៥ ខែកញ្ញា តិចម៉េង បានបង្ហោះវីដេអូរបស់គណនី គុណ ពៅណា ដោយភ្ជាប់មកជាមួយនឹងខ្លឹមសារថា «តើលោកឯងជាអ្នកណា ? មានប្រភពមកពីណា ? ចង់ល្បី ឬ ចង់ជាប់គុក ? ឆ្កួតឱ្យដឹងឆ្កួត ជាឱ្យដឹងជា កុំឱ្យលើសព្រំដែន កុំឱ្យអស់ការអត់ធ្មត់»។.png)
បន្ទាប់ពីព្រមានបែបនេះហើយ គណនីទិកតុករបស់បុរសនោះបានបង្ហោះជាបន្តទៀតបង្ហាញការខូចចិត្តជាបន្តបន្ទាប់។
មែនទែនទៅ បុរសដែលបង្ហាញការស្រលាញ់ងប់ងល់ខ្លាំងលើសពីការគណនាមកកាន់លីម តិចម៉េង មានរយៈពេលជាយូរមកហើយប៉ុន្តែតារាចម្រៀងរូបនេះមិនដែលខ្វល់នោះទេ ប៉ុន្តែដោយសារតែមានការជេរប្រមាថមកកាន់ខ្លួនរហូតដល់ឪពុកម្តាយលោកថែមទៀត។ តាមរតៈការឆ្លើយតបជាមួយនឹងមិត្តសម្លាញ់ នាង ដាវីន លីម តិចម៉េង បានសរសេរថា «ឯងមិនដែលខ្វល់ រវល់ជាមួយពពួកមនុស្សធន់នេះទេសម្លាញ់ ឆ្កួតមិនចំឆ្កួត ជាមិនចំជា ដោយសារមានវីដេអូខ្លះជេរប្រមាថឯង រហូតឪពុកម្តាយឯងក៏មានដែរ ទាំងដែលមិនដឹងថាមានប្រភពមកពីណា»៕
