ប៉ុស្តិ៍ទូរទស្សន៍ដ៏ល្បីរបស់កូរ៉េ បានចុះផ្សាយពីការខូចខាតរបស់កម្ពុជាក្រោយសង្រ្គា.មឈ្លានពានរបស់ថៃ

ភ្នំពេញ៖ ពិភពលោកនឹងកាន់តែភ្លឺភ្នែក! បន្តាប់ពីប៉ុស្តិ៍ទូរទស្សន៍ដ៏ធំ KBS1 របស់កូរ៉េ បានចុះមកយកការណ៍ដោយផ្ទាល់នៅតំបន់ជម្លោះព្រំដែនរវាងកម្ពុជា.ថៃ ដើម្បីផ្ដិតយករូបភាពវីដេអូជាក់ស្ដែង ពាក់ព័ន្ធនឹងស្ថានភាពខូចខាត និងទុក្ខវេទនារបស់ប្រជាជនខ្មែរ ដែលបាននិងកំពុងប្រឈម ក្រោយការរំលោ.ភបំពានរបស់ប្រទេសថៃ។ នេះបើតាមការចុះផ្សាយរបស់KBS នៅលើប្រព័ន្ធផ្សព្វផ្សាយសង្គម។

នៅទីបំផុតអន្តរជាតិបានជ្រាបពីការពិតកាន់តែច្បាស់ ពាក់ព័ន្ធនឹងទង្វើឈ្លា.នពាន បំភ្លៃកាពិត និងបំភ្លៃប្រវត្តិសាស្ត្រមិនចេះខ្មាស់របស់ថៃ ដែលកុំថាឡើយប្រជានជនកម្ពុជាមានភាពឈឺចា.ប់ សូម្បីតែអ្នកយកព័ត៌មានជនជាតិកូរ៉េដែលបានទៅដល់ទីតាំងដែលថៃបានទម្លា.ក់គ្រាប់បែ.កលើសាលារៀន វត្តអារាម និងមូលដ្ឋានជនសុីវិល ក៏មានអារម្មណ៍ក្ដុ.កក្ដួល ខ្លោ.ចផ្សារនឹងទិដ្ឋភាពមួយនេះផងដែរ។

តាមរយៈការរាយការណ៍នៅក្នុងវីដេអូនោះ អ្នកយកព័ត៌មានជនជាតិកូរ៉បាននិយាយមកកាន់ពិធីការនីនៅក្នុងកម្មវិធីរបស់ប៉ុស្តិ៍ KBS1ថា៖ អ្វីដែលធ្វើឲ្យនាងមានអារម្មណ៍ឈឺចាប់និងតក់ស្លុតខ្លាំងនៅពេលបានមកដល់ទីនេះ គឺប្រជាជនខ្មែរទាំងនោះបានប្រាប់នាងថា គ្រាន់តែឃើញដ្រូនរបស់អ្នកសារព័ត៌មានបង្ហោះដើម្បីថតពួកគាត់ពីលើនោះ ក៏ពួកគាត់មានអារម្មណ៍ថាភ័យខ្លាចផងដែរ ព្រោះពួកគាត់បាក់ស្បា.តនឹងយន្តហោះទម្លា.ក់គ្រាប់បែ.ករបស់ថៃ។

អ្នកសារព័ត៌មានស្រីរូបនេះបានលើកឡើងថា មូលហេតុដែលនាងចង់មកថតព័ត៌មានផ្ទាល់នេះ គឺព្រោះតែសារព័ត៌មានភាគច្រើនមានតែងផ្សាយអំពីការខូចខាតខាងថៃ ខណៈដែលប្រជាជនខ្មែររងទុក្ខវេទនាជាច្រើន ពុំសូវមានសារព័ត៌មានអន្តរជាតិណាយចុះមកមើលនិងយកទៅផ្សព្វផ្សាយសោះ។ ក្នុងរបាយការណ៍រូបភាព បានបង្ហាញពីការខូចខាតផ្ទះសំបែង វត្តអារាម សាលារៀន មណ្ឌលសុខភាព និងផ្ទះរបស់ប្រជាជនខ្មែរ ដែលត្រូវបានរំលោភបំពានយកដីរបស់កម្ពុជាពីសំណាក់កងទ័ពថៃ។

មិនតែប៉ុណ្ណោះ ប៉ុស្តិ៍ទូរទស្សន៍ធំ KBS1 មួយនេះក៏បាននិយាយថាប្រទេសកម្ពុជារងគ្រោះខ្លាំងជាង មានកម្លាំងទ័ពខ្សោយជាង ពួកគេព្យាយាមអត់ធ្មត់ និងចង់ដោះស្រាយតាមផ្លូវច្បាប់ដោយសន្តិវិធី មិនចង់បានសង្រ្គា.មោះទឹ។

ការចុះផ្សាយរបស់សារព័ត៌មានដ៏មានឥទ្ធិពលរបស់កូរ៉េខាងត្បូងដូចខាងលើនេះ នឹងជួយឲ្យសម្លេងទាមទាររកយុត្តិធម៌របស់កម្ពុជាបានលឺទៅដល់ពិភពលោកកាន់តែទូលំទូលាយ។ យើងសង្ឃឹមថាព៍ត័មានមួយនេះនឹងជួយបំភ្លឺ ក៏ដូចជាផ្លាស់ប្តូរគំនិតរបស់មនុស្សមួយចំនួនដែលចោទប្រកាន់ និងរើសអើងកម្ពុជា ដោយគ្រាន់តែបានស្ដា.ប់ការអះអាងទាំងគ្មានមូលដ្ឋានត្រឹមត្រូវរបស់ថៃតែម្ខាង។

លើសពីនេះ វាក៏ជាសារដ៏សំខាន់មួយក្នុងការប្រកាសឲ្យអន្តរជាតិគ្រប់បណ្ដារប្រទេសដឹងថា ប្រជាជនកម្ពុជាមានតែបំណងប្រាថ្នាតែមួយគត់ គឺចង់ឲ្យមានសន្តិភាពឡើងវិញ មិនចង់ឃើញសង្គ្រាមនោះឡើយ បន្ថែមពីលើនេះកម្ពុជាសូមស្នើដល់ភាគីថៃគោរពច្បាប់អន្តរជាតិ និងអនុវត្តបទឈប់បាញ់ឲ្យបានត្រឹមត្រូវផងដែរ៕