សិង្ហបុរីដាក់បញ្ចូលបារីអេឡិចត្រូនិកក្នុងបញ្ជីគ្រឿងញៀន ខណៈនៅកម្ពុជា យុវជនកាន់ជក់ពេញៗដៃ

ថ្មីៗនេះ សិង្ហបុរី បានដាក់បញ្ចូលបារីអេឡិចត្រូនិកក្នុងបញ្ជីគ្រឿងញៀនថ្នាក់C និងបន្ថែមការដាក់ពិន័យលើអ្នកនាំចូល និងអ្នកប្រើប្រាស់។

សិង្ហបុរី បានរឹតត្បិតខ្លាំងលើបារីអេឡិចត្រូនិកនេះ ដោយអ្នកនាំចូលនឹងត្រូវជាប់ពន្ធនាគារចាប់ពី៣ឆ្នាំ ដល់២០ឆ្នាំ ខណៈអ្នកចាកចែយបន្ត ត្រូវជាប់ពន្ធនាគារ ចាប់ពី២ឆ្នាំដល់១០ឆ្នាំ។

ចំពោះអ្នកប្រើប្រាស់វិញអាចរងពិន័យពី ៣០០ដុល្លារសិង្ហបុរី (ប្រមាណ២៣៤ដុល្លារអាមេរិក) ទៅ៧០០ដុល្លារ(ប្រមាណ៥៤៦ដុល្លារអាមេរិក)។

ដោយឡែកមន្ត្រីរាជការ និងកងកម្លាំង ដែលរពាក់ព័ន្ធបារីអេឡិចត្រូនិក នឹងត្រូវទទួលទម្លាក់ឋានៈនិងបណ្តេញចេញពីក្របខណ្ឌ។

ក្រឡេកមកមើលកម្ពុជាវិញ ប៉ុន្មានឆ្នាំចុងក្រោយនេះ ការប្រើប្រាស់បារីអេឡិចត្រូនិក មានការកើនឡើងគួរឱ្យកត់សម្គាល់ក្នុងចំណោមកុមារនិងយុវជន៕