BigHit បញ្ជាក់ថា Jimin ធ្លាប់មានទំនាក់ទំនងខ្លីជាមួយ Song Da Eun ប៉ុន្តែពេលនេះលែងជាអ្វីនឹងគ្នាហើយ

បន្ទាប់ពីមានពាក្យចចាមអារ៉ាមជាច្រើនថ្ងៃរបស់ Jimin សមាជិក BTS និងតារាសម្តែង Song Da Eun ក្រុមហ៊ុនគ្រប់គ្រង BigHit Music បានឆ្លើយតបជាផ្លូវការ។ យោងតាមសេចក្តីថ្លែងការណ៍របស់ក្រុមហ៊ុននៅរសៀលថ្ងៃទី ៣១ ខែសីហា Jimin និង Song Da Eun បានណាត់ជួបគ្នាជាច្រើនឆ្នាំមុន ប៉ុន្តែបច្ចុប្បន្នអ្នកទាំងពីរលែងមានទំនាក់ទំនងស្នេហាទៀតហើយ។ នេះបើយោងទៅតាមប្រព័ន្ធផ្សព្វផ្សាយ Allkpop , Koreaboo និងប្រព័ន្ធផ្សព្វផ្សាយកូរ៉េជាច្រើនទៀត។

ក្រុមហ៊ុនស្នើឱ្យសាធារណជនកុំធ្វើការស្មានមិនដល់ រំលោភលើឯកជនភាពរបស់ភាគីពាក់ព័ន្ធ និងសុំដោយស្មោះពីអ្នកគាំទ្រ កុំចាត់វិធានការណាមួយដែលអាចបង្កគ្រោះថ្នាក់ដល់សិល្បករ និងភាគីពាក់ព័ន្ធផ្សេងទៀត។

Song Da Eun និង Jimin មានពាក្យចចាមអារ៉ាមថាបានទាក់ទងគ្នាតាំងពីឆ្នាំ ២០២២ ដែលផ្តើមចេញពីការបង្ហោះបណ្តាញសង្គមរបស់ Song Da Eun ។ នៅក្នុងខែមិថុនា ឆ្នាំនោះ Song Da Eun បានបង្ហើបពីទំនាក់ទំនងស្នេហាជាមួយ Jimin ប៉ុន្តែភាគី Jimin មិនបានបញ្ជាក់អ្វីទេ។ ពាក្យចចាមអារ៉ាមអំពីការណាត់ជួបបន្តរីករាលដាលនៅពេល Song Da Eun បានចែករំលែករូបថតរបស់បុរសម្នាក់ដែលគេជឿថាជា Jimin ។ ប៉ុន្តែនៅពេលដែលទស្សនិកជនសួរអំពីទំនាក់ទំនងរបស់នាងជាមួយ Jimin អំឡុងពេលផ្សាយផ្ទាល់នោះ Song Da Eun បានបដិសេធ។

អ្វីៗបានកើតឡើងក្នុងអំឡុងពេលផ្សាយផ្ទាល់ក្នុងខែមិថុនា ឆ្នាំ២០២៥ ដោយ Song Da Eun បានព្រមានអ្នកគាំទ្ររបស់ Jimin ថា «ទោះជា Idol របស់អ្នកចូលចិត្តខ្ញុំក៏ដោយ ក៏ខ្ញុំមិនសមនឹងត្រូវគេស្តីបន្ទោសដែរ»។ ការរំពឹងទុកបានចាប់ផ្តើមបន្តនៅពេលដែលតារាសម្តែង Song Da Eun បង្ហោះវីដេអូស្និទ្ធស្នាលរបស់ Jimin នៅក្នុងជណ្តើរយន្តនៃអគារផ្ទះល្វែងដែលតារាចម្រៀងរូបនេះរស់នៅ។

នៅក្នុងវីដេអូ Jimin មើលទៅភ្ញាក់ផ្អើលពេលឃើញ Da Eun រង់ចាំនៅមុខជណ្តើរយន្ត ហើយនិយាយថា “អ្នកដឹងថាខ្ញុំមកមែនទេ? ។ Song Da Eun មិនបានបញ្ជាក់ថាវីដេអូនេះត្រូវបានថតនៅពេលណានោះទេ។ ប៉ុន្តែផ្អែកលើការស្លៀកពាក់ អ្នកគាំទ្របានរកឃើញថា នេះជាវីដេអូដែលថតច្រើនឆ្នាំកន្លងមក ទើបអាចថាអ្នកទាំងពីរបានណាត់ជួបគ្នា និងបែកគ្នាយូរមកហើយ។

នៅពេលដែលវីដេអូថ្មីបានរីករាលដាលនៅថ្ងៃទី ២៧ ខែសីហា ក្រុមហ៊ុនគ្រប់គ្រងរបស់ BTS គឺ BigHit Music បានឆ្លើយតបទៅកាន់ប្រព័ន្ធផ្សព្វផ្សាយថា «យើងនឹងផ្តល់ចម្លើយបន្ទាប់ពីការពិភាក្សាផ្ទៃក្នុង»។ ប៉ុន្តែក្រោយមកក្រុមហ៊ុនសម្រេចមិនធ្វើអត្ថាធិប្បាយជុំវិញបញ្ហានេះដោយគោរពចំពោះអ្នកសិល្បៈ និងតារាដែលពាក់ព័ន្ធ។ ទោះជាយ៉ាងណាក៏ដោយ ដោយសារតែពាក្យចចាមអារ៉ាមមិនពិតនេះ BigHit Music មានអារម្មណ៍ថាត្រូវការចេញសេចក្តីថ្លែងការណ៍ផ្លូវការមួយកាលពីថ្ងៃទី៣១ សីហានេះ៕