រដ្ឋាភិបាលប្រទេសឥណ្ឌូនេសុី គ្រោងនឹងដាក់ដំណើការរដ្ឋធានីថ្មី “នូសានតារា” របស់ខ្លួននៅឆ្នាំ២០២៨ខាងមុខនេះ។
រដ្ឋធានីថ្មីនេះ សាងសង់ឡើងនៅក្នុងខេត្តកាលីម៉ាន់តាន់ខាងកើត ដោយគ្រោងចំណាយទឹកប្រាក់ចំនួន ៣២ពាន់លានដុល្លារ ចាប់ផ្តើមសាងសង់កាលពីឆ្នាំ២០២០។
ដំណើរការនៃការអភិវឌ្ឍរដ្ឋធានីថ្មីនឹងត្រូវបានអនុវត្តជា ៣ ដំណាក់កាលសំខាន់ៗគឺ ឆ្នាំ ២០២៤, ២០៣៥ និង ២០៤៥។
រដ្ឋធានី នូសានតារា មានចម្ងាយពី រដ្ឋធានីចាស់ ហ្សាការតា ប្រហែល ២ពាន់គីឡូម៉ែត្រ លាតសន្ធឹងលើផ្ទៃក្រឡាប្រហែល ៥៦,១៨០ ហិកតា។ ពាក្យ នូសានតារា (Nusantara) នៅក្នុងភាសាឥណ្ឌូណេស៊ី មានន័យថា ប្រជុំកោះ។.png)
មូលហេតុដែលឥណ្ឌូណេស៊ី ផ្លាស់ប្តូររដ្ឋធានីពីហ្សាការតា ទៅក្នុងខេត្តកាលីម៉ាន់តាន់ខាងកើត គឺដោយសារចំនួនប្រជាជនច្រើនលើសលប់ ដែលបង្កឱ្យមានបញ្ហាស្ទះចរាចរណ៍ ការបំពុលខ្យល់ក្នុងក្រុង និងបញ្ហាទឹកជំនន់ក្នុងក្រុង។ ការផ្លាស់ប្តូររដ្ឋធានីថ្មីនេះ ត្រូវបានគេរំពឹងថានឹងជួយកាត់បន្ថយចំនួនប្រជាជន និងសម្រួលបន្ទុកក្នុងក្រុងហ្សាការតា៕
