ទោះជាមានរឿងអាស្រូវ Kim Soo Hyun នៅតែជាប់លេខ១ក្នុងតារាងនេះ

Kim Soo Hyun បានរក្សាតំណែងលេខ ១ ក្នុងតារាង Star Ranking សម្រាប់តារាប្រុសរយៈពេល ១១ សប្តាហ៍ជាប់គ្នា។ នៅក្នុងការស្ទង់មតិសម្រាប់សប្តាហ៍ទីពីរនៃខែកក្កដា (លើកទី ១២១) ។ នៅថ្ងៃទី ១៧ ខែកក្កដា Kim Soo Hyun ទទួលបាន ៧៥,៥៨០ សម្លេងដោយបន្តរក្សាតំណែងនាំមុខ។

ក្នុងបញ្ជីចំណាត់ថ្នាក់ទី ២ នៅសប្តាហ៍នេះគឺ Lee Jun Ho ទទួលបានការបោះឆ្នោត ២៩,២៦៩ ហើយ Byeon Woo Seok ជាប់ចំណាត់ថ្នាក់លេខ ៣ ជាមួយនឹង ១៧,២៩៩ votes។

Star Ranking គឺជាការស្ទង់មតិចំណាត់ថ្នាក់ដែលអ្នកគាំទ្រចូលរួមបោះឆ្នោតឱ្យតារា ដែលពួកគេពេញចិត្ត ។ នៅពេលបោះឆ្នោតតាមរយៈឧបករណ៍ចល័ត អ្នកប្រើប្រាស់ក៏អាច ទទួលបានវិញ្ញាបនបត្របោះឆ្នោតផងដែរ ហើយតារានឹងទទួលបានការលើកទឹកចិត្ត ផ្សេងៗ អាស្រ័យលើចំណាត់ថ្នាក់របស់ពួកគេ។ ជាពិសេសតារាដែលកាន់តំណែងលេខ ១ ក្នុងរយៈពេល ៤សប្តាហ៍ជាប់គ្នានឹងត្រូវបានផ្សព្វផ្សាយនៅលើផ្ទាំងប៉ាណូខាងក្រៅ ហើយអ្នកគាំទ្រក៏អាចដាក់វីដេអូគាំទ្រដើម្បីចាក់នៅលើផ្ទាំងប៉ាណូទាំងនេះផងដែរ។

ការដែល Kim Soo Hyun នៅតែឈរលេខ ១ នៅលើ តារាង នេះបង្ហាញថាលោកមាន អ្នកគាំទ្រយ៉ាងខ្លាំង។ Kim Soo Hyun មិនទាន់ដោះស្រាយរួចរាល់ជាមួយនឹងរឿងអាស្រូវស្នេហាជាមួយតារាសម្ដែង Kim Sae Ron នៅឡើយទេ។

Garo Sero និងក្រុមគ្រួសាររបស់ Kim Sae Ron បានចោទប្រកាន់តារាសម្តែងរូបនេះថា មានទំនាក់ទំនងគ្នានៅពេលដែល Kim Sae Ron នៅមិនទាន់គ្រប់អាយុ។ ពួកគេបាន ចោទប្រកាន់ Kim Soo Hyun ថាបានបង្ខំនាងឱ្យសងបំណុលរហូតដល់ ៧០០លានវ៉ុន បន្ទាប់ពីនាងជាប់ពាក់ព័ន្ធនឹងរឿងអាស្រូវនៃការបើកបរក្នុងស្ថានភាពស្រវឹងក្នុងឆ្នាំ២០២២។ ភាគីរបស់ Kim Soo Hyun បានបដិសេធការចោទប្រកាន់ទាំងអស់ហើយបានប្តឹង ជំទាស់។ ចាប់តាំងពីផ្ទុះរឿងអាស្រូវមក តារាប្រុសបានរងការខូចខាតយ៉ាងច្រើន ដោយសារតែម៉ាកមួយចំនួនទាមទារសំណង។ករណីនេះសមត្ថកិច្ចកំពុងបន្តចាត់ការតាមនិតិវិធីច្បាប់៕