តារា TVB អរគុណអ្នកគាំទ្រកម្ពុជាម្តងទៀតក្រោយរឿង «តម្រុយម.រណៈ» បានបញ្ចប់

តារាសម្តែង Owen Cheung ជាតួអង្គ ជុងឡាង នៅក្នុងរឿង «តម្រុយម.រណៈ» បានពោលអរគុណអ្នកគាំទ្រកម្ពុជាម្តងទៀតដោយបង្ហាញរូបថតដែលអ្នកគាំទ្រពុំធ្លាប់បានឃើញពីមុនបន្ទាប់ពីដៃគូសម្តែងរបស់លោកគឺតារាស្រី Tiffany Lau ។ ការដឹងគុណម្តងទៀតមកកាន់អ្នកគាំទ្រកម្ពុជានេះគឺក្រោយពីរឿងនេះទើបចប់ការចាក់បញ្ចាំងនៅក្នុងប្រទេសកម្ពុជា។

នៅរសៀលថ្ងៃទី១៤ ខែកក្កដា លោក Owen បានបង្ហោះរូបជាមួយនឹងកញ្ញា Tiffany ក្នុងទិដ្ឋភាពនៃខ្សែភាពយន្ត «តម្រុយម.រណៈ» ដែលទទួលបានការគាំទ្រភ្លូកទឹកភ្លូកដីនៅប្រទេសកម្ពុជា។ លោកបានសរសេរថា រឿង «តម្រុយម.រណៈ» បានចូលមកដល់ភាគបញ្ចប់នៅក្នុងប្រទេសកម្ពុជាហើយប៉ុន្តែលោកគ្រាន់តែលោកចង់បង្ហាញការដឹងគុណរបស់លោកនិង Tiffany ម្តងទៀតទៅកាន់អ្នកគាំទ្រ ដោយបង្ហាញអ្នកនូវរូបថតមួយចំនួនដែលមិនធ្លាប់បានឃើញពីមុនមករបស់អ្នកទាំងពីរពេលកំពុងថតរឿង«តម្រុយម.រណៈ» (Anonymous Signal!)។



ការដឹងគុណរបស់តារាប្រុសរូបនេះមកកាន់អ្នកគាំទ្រកម្ពុជាទស្សនិកជនដែលនិយមតាមដានរឿង TVB រួមទាំងហ្វេនៗរបស់គូស្នេហ៍ទី២ក្នុងរឿង «តម្រុយម.រណៈ» ក៏បានចូលទៅបង្ហាញការស្រលាញ់យ៉ាងច្រើនផងដែរ។



កាលពីមុនតារាស្រី Tiffany Lau សម្តែងជាតួអង្គ ចាលី បានបង្ហោះអរគុណមកកាន់អ្នកគាំទ្រកម្ពុជាបន្ទាប់រឿងដែលនាងសម្តែងផ្ទុះការគាំទ្រខ្លាំងផងដែរ។ ការអរគុណរបស់តារាស្រីរូបនេះបានធ្វើឱ្យអ្នកគាំទ្ររំភើបចិត្តយ៉ាងខ្លាំងដោយសរសើរពីទឹកចិត្តតារាហុងកុងដែលពោលអរគុណហ្វេនក្លិបកម្ពុជាបែបនេះ។

គួរឱ្យដឹងថា ក្រោយពីបញ្ចប់ការចាក់បញ្ចាំងរឿង «តម្រុយមរណៈ» TVB Cambodia ក៏បានបន្តចាក់បញ្ចាំងរឿងរបស់តារាប្រុស Owen Cheung មួយទៀតមានចំណងជើងថា «សម្រស់ស្នេហ៍កញ្ញា CEO»( Childhood in a Capsule)៕

---