តួឯកប្រុសក្នុងរឿង «តម្រុយម.រណៈ»ប្រារព្ធខួបកំណើតគម្រប់ ៥ ឆ្នាំរបស់កូនប្រុសនៅម៉ាឡេស៊ី

តារាសម្តែងហុងកុង Joel Chan ជាតួឯកប្រុសក្នុងរឿង «តម្រុយមរ.ណៈ» ដែលកំពុងល្បីនៅប្រទេសកម្ពុជារួមជាមួយនឹងភរិយា និងកូនប្រុសរបស់ពួកគេ បានធ្វើដំណើរទៅកាន់ទីក្រុង Kuala Lumpur ប្រទេសម៉ាឡេស៊ី ដើម្បីប្រារព្ធខួបកំណើតគម្រប់អាយុ៥ឆ្នាំរបស់កូនប្រុសរបស់ពួកគេមានឈ្មោះថា Jaco ។

យោងតាមគេហទំព័រ The Star តារាសម្តែង Joel Chan បានចែករំលែករូបភាពពោរពេញដោយភាពកក់ក្តៅនៅលើបណ្តាញសង្គម ដោយបង្ហោះរូបថតពីការប្រារព្ធពិធី និងបង្ហាញពី ឱកាសដែលបានចំណាយពេលថ្ងៃពិសេសបែបនេះជាមួយគ្រួសារ។ ក្នុងការបង្ហោះរូបលោកបានពណ៌នាថ្ងៃនេះថាជាថ្ងៃដ៏ស្រស់ស្អាត និងគួរឱ្យចងចាំ ដោយអរគុណដល់មនុស្សជាទីស្រឡាញ់ដែលបានបង្កើតវាជាពេលវេលាដើម្បីឱ្យតម្លៃ។

ដំណើរកម្សាន្តរបស់ក្រុមគ្រួសាររបស់ Joel Chan ទៅប្រទេសម៉ាឡេស៊ីបានធ្វើឱ្យអ្នកគាំទ្ររបស់លោកមានការរំភើបចិត្តជាខ្លាំង ដោយអ្នកគាំទ្របានបញ្ចេញមតិដើម្បីជូនពរ Jaco ជាកូនប្រុសរបស់លោកផងដែរ។

នៅអាយុឈានចូល៤៩ឆ្នាំ Joel Chan បានចាប់ផ្តើមល្បីល្បាញនៅឆ្នាំ ១៩៩៥ ក្នុងនាមជាអ្នកចម្រៀងទោលមុនពេលផ្លាស់ប្តូរទៅជាការសម្តែង។ គម្រោង TVB គួរឱ្យកត់សម្គាល់របស់លោករួមមាន តម្រុយមរណ ( Anonymous Signal ) ,អាថ៌កំបាំងអគារជីនសៀវ (Barrack O’Karma) ទំនាស់គ្រួសារអភិជន(The Unholy Alliance) រួមទាំងរឿងភាគហុងកុងជាច្រើនទៀត៕