វ័យជាង៤០ឆ្នាំមិនទាន់រៀបការ Bosco Wong ទម្លាយហេតុផលថាជាការស.ងសឹ.កម្តាយ ដែលបំផ្លាញស្នេហាដំបូង

កាលពីពេលថ្មីៗនេះតារាសម្តែងដ៏ល្បីរបស់ TVB លោក Bosco Wong បានធ្វើឱ្យ បណ្តាញសង្គមមានការរំជើបរំជួល និងមានមតិរិះគន់ផង នៅពេលដែលលោក បានបង្ហើបពីមូលហេតុដែលលោកមិនទាន់រៀបការ ទោះបីជាលោកមានអាយុជិត ៤៥ឆ្នាំក៏ដោយ។ នៅក្នុងបទសម្ភាសន៍មួយ Bosco Wong បាននិយាយថា លោកសម្រេចចិត្តមិនរៀបការគឺជាការសងសឹកម្តាយរបស់ខ្លួន។

ក្នុងបទសម្ភាសន៍ លោក Bosco Wong បាននិយាយថា «ម្តាយខ្ញុំពិតជាចូលចិត្តដេញមិត្តស្រីរបស់ខ្ញុំចេញណាស់ ឥឡូវនេះល្អណាស់ ខ្ញុំនឹងមិនរៀបការទៀតទេ ទុកឱ្យគាត់ខឹង!»។ លោក បានចែករំលែកថាម្តាយរបស់លោកធ្លាប់បាន «កំទេច» ស្នេហាដំបូងរបស់ខ្លួនយ៉ាងជូរចត់ហើយវានៅតែលងលោករហូតមកដល់បច្ចុប្បន្ន។ Bosco Wong ថាស្នេហាដំបូងរបស់លោកនៅពេលលោករៀនថ្នាក់ទី ៦។ នៅពេលនោះ Bosco Wong បាននាំមិត្តស្រីទៅផ្ទះ ណែនាំនាងដល់គ្រួសារ ហើយសង្ឃឹមថានឹងទទួលបានពរជ័យ ប៉ុន្តែអ្វីដែលនឹកស្មានមិនដល់ ម្តាយរបស់លោក«បានជះទឹកត្រជាក់មកលើគាត់»។មិនត្រឹមតែប៉ុណ្ណោះម្តាយលោកថែមទាំងប្រើពាក្យគំរោះគំរើយ ស្តីបន្ទោស និងដេញតាមគូស្នេហ៍របស់កូនប្រុសទៀតផង។ ក្រោមការរិះគន់ និងប្រឆាំងពីម្តាយរបស់ Bosco Wong ចំណងស្នេហ៍នេះមិនអាចស្ថិតស្ថេរយូរអង្វែងឡើយ។

ស្នេហាដំបូងដែលបែកបាក់បានបន្សល់ទុកនូវស្លាកស្នាមដែលមិនអាចលុបបាននៅក្នុងបេះដូងរបស់ Bosco Wong។ តារាសម្តែងរូបនេះមិនអាចយល់ពីមូលហេតុដែលម្តាយរបស់លោកជ្រៀតជ្រែកក្នុងជីវិតស្នេហារបស់លោកយ៉ាងឃោរឃៅ និងឈឺចាប់យ៉ាងនេះ។ ប្រហែលជានោះហើយជាមូលហេតុដែលលោកប្រើពាក្យដែលហាក់ដូចជាចំអកដើម្បីបង្ហាញពីអាកប្បកិរិយារបស់ខ្លួនចំពោះម្តាយ។ ការលើកឡើងនេះបានធ្វើឱ្យមានការកក្រើកពេញបណ្ដាញសង្គម និងមានមតិខឹងសម្បារជាច្រើន។

យ៉ាងណាមិញ ប្រព័ន្ធផ្សព្វផ្សាយចិន បានបំភ្លឺអំពីអាកប្បកិរិយាដ៏តឹងរ៉ឹងរបស់ម្តាយ Bosco Wong ដោយតាមដានតែអតីតកាលដ៏ឈឺចាប់របស់ខ្លួនផ្ទាល់។ ម្តាយ Bosco Wongបានលែងលះពេលមានផ្ទៃពោះ ហើយត្រូវចិញ្ចឹម Bosco Wongតែម្នាក់ឯង ដោយធ្វើការដោយមិននឿយហត់ និងប្រគល់ឱ្យសាច់ញាតិ។ កំឡុងពេលតស៊ូដំបូងក្នុងវិស័យសិល្បៈ ម្តាយរបស់ Bosco Wong បានជួយBosco Wongផ្នែកហិរញ្ញវត្ថុ ជួយលោកឱ្យរស់រានមានជីវិតរហូតដល់លោកទទួលបានជោគជ័យ។

ទោះបីជាមានការប៉ះទង្គិចគ្នាម្តងម្កាលក៏ដោយ Bosco Wongបានបង្ហាញពីក្តីស្រឡាញ់ និងការដឹងគុណយ៉ាងជ្រាលជ្រៅចំពោះម្តាយរបស់លោកដោយនិយាយថា «ម៉ាក់ ខ្ញុំនឹងស្រឡាញ់អ្នកពេញមួយជីវិត»។ យ៉ាងណាក៏ដោយ ការភ័យខ្លាចរបស់ម្តាយ Bosco Wong អំពីស្នេហា និងអាពាហ៍ពិពាហ៍ហាក់ដូចជាមានឥទ្ធិពលយ៉ាងខ្លាំងទៅលើតារាប្រុសល្បីឈ្មោះរូបនេះ។ នៅទីបំផុត Bosco បានទទួលយកផ្នត់គំនិតដូចគ្នា។ នៅខែកញ្ញា ឆ្នាំ ២០២៤ លោកបានប្រកាសជាសាធារណៈអំពីខ្លួនលោកប្រឆាំងនឹងការរៀបការ និងប្រឆាំងនឹងភាពជាឪពុកម្តាយ ដោយបញ្ជាក់ថា៖ «ស្ត្រីដែលចង់បានកូន មិនត្រូវគ្នានឹងខ្ញុំទេ»។ទោះបីជាអ្នកគាំទ្រមានការសោកស្ដាយចំពោះជំហររបស់លោកក៏ដោយ ក៏មនុស្សជាច្រើនគោរពជម្រើសផ្ទាល់ខ្លួនរបស់តារាសម្តែងរូបនេះ។

ទំនាក់ទំនងដែល Bosco Wong ផ្សព្វផ្សាយជាសាធារណៈបំផុតគឺជាមួយតារាសម្តែង Myolie Wu ដែលលោកបានចែករំលែកស្នេហារយៈពេល៨ឆ្នាំ។ ទីបំផុតពួកគេបានបែកគ្នា ដោយគេរាយការណ៍ថាដោយសារអាកប្បកិរិយាចែចង់របស់ Bosco និងការបដិសេធមិនរៀបការ។ ចាប់តាំងពីពេលនោះមក Bosco Wong មានទំនាក់ទំនងខ្លីៗជាច្រើន ហើយបន្តរីករាយនឹងជីវិតនៅលីវរបស់ខ្លួន៕