Rosé បានបំបែកកំណត់ត្រា Jimin នៅលើតារាង Billboard Hot 100

យោងតាមការប្រកាសចុងក្រោយរបស់ Billboard បទចម្រៀង «APT» របស់ Rosé និង Bruno Mars បានកាន់កាប់តំណែងទី ២៤ សម្រាប់សប្តាហ៍ទី ៣៤ជាប់ៗគ្នានៅ លើតារាង Billboard Hot 100 ដែលជាតារាងប្រចាំសប្តាហ៍នៃបទចម្រៀងពេញ និយមបំផុតនៅសហរដ្ឋអាម៉េរិក។

«APT» ឥឡូវនេះបានវ៉ាដាច់ បទចម្រៀងទោលរបស់ Jimin របស់សមាជិក BTS ដែលមានចំណងជើងថា «Who» ដែលចំណាយពេល ៣៣សប្តាហ៍ជាប់ៗគ្នានៅ លើតារាងបន្ទាប់ពីការចេញផ្សាយកាលពីឆ្នាំមុន ដើម្បីបង្កើតកំណត់ត្រាសម្រាប់ បទចម្រៀងដែលដំណើរការបានយូរបំផុតដោយសិល្បករ K-pop ក្នុងប្រវត្តិសាស្រ្ត Hot 100 ។ បន្ថែមពីលើ Billboard Hot 100 «APT» បានឈ្នះចំណាត់ថ្នាក់លេខ ៤ ទាំងលើ Global 200 និង Global Excl តារាង Billboard របស់សហរដ្ឋអាម៉េរិកនៅសប្តាហ៍នេះ ខណៈពេលដែលកំពុងឈរនៅលេខ ២០ នៅលើតារាង Digital Song Sales និងលេខ ៣៦ នៅលើតារាង Streaming Songs ។

«APT» ក៏បានឡើងដល់លេខ ២៤ នៅលើតារាង Radio Songs របស់ Billboard ដែលជាប់ចំណាត់ថ្នាក់បទចម្រៀងពេញនិយមបំផុតរៀងរាល់សប្តាហ៍ដោយការចាក់ផ្សាយតាមស្ថានីយ៍វិទ្យុសហរដ្ឋអាម៉េរិកនៅគ្រប់ប្រភេទតន្ត្រីទាំងអស់។
ទន្ទឹមនឹងនេះនៅលើ YouTube «APT»បច្ចុប្បន្នជា MV របស់តារាចម្រៀង Kpop ដែលមានការចូលមើលលឿនបំផុតដល់ទៅ ១.៧ ពាន់លានដង ហើយក៏ក្លាយជា MV លឿនបំផុតដែលឈានដល់ដំណាក់កាលនេះដោយតារាចម្រៀង ស្រីទូទាំងពិភពលោក និងលឿនបំផុតលំដាប់ទី ៣ តាមពីក្រោយបទ «Despacito» និងបទ «Shape of You» ។

កាលពីខែមុន Guinness World Records បានប្រកាសកំណត់ត្រា Guinness ទី៦របស់ Rosé នៅក្នុងអាជីពរបស់នាង ដែលជា «បទចម្រៀង K-pop លឿនបំផុតដែលឈានដល់ ១ ពាន់លាន streams នៅក្នុងប្រវត្តិសាស្រ្ត Spotify»។

Rosé នឹងសហការជាមួយសិល្បករអាម៉េរិក Alex Warren ក្នុងពេលឆាប់ៗនេះ ក្នុងបទ «On My Mind»ពីអាល់ប៊ុមស្ទូឌីយោដំបូងរបស់តារាប្រុសរូបនេះដែលគ្រោងនឹងចេញនៅថ្ងៃទី ១៨ ខែកក្កដា ឆ្នាំ ២០២៥។ បន្ទាប់ពីសហការជាមួយ Bruno Mars អ្នកគាំទ្ររំពឹងថាការសហការជាមួយ Alex Warren សមាជិក BLACKPINK នឹងបន្តនាំយកផលិតផលតន្ត្រីដែលទទួលបានជោគជ័យ៕