ថ្មីៗនេះអ្នកគាំទ្រមួយចំនួនមានការចាប់អារម្មណ៍យ៉ាងខ្លាំងចំពោះតារាចម្រៀង ពេជ្រ សូលីកា និងបុរសម្នាក់បានបណ្តើរគ្នាចូលរួមពិធីមង្គលការមិត្តសម្លាញ់គឺ ទេព បូព្រឹក្ស និង ជី ដេវិត។ អ្នកលេងបណ្តាញសង្គមម្នាក់បានបញ្ចេញមតិថាធ្លាប់ឃើញអ្នកទាំងពីរនៅ ព្រលានយន្តហោះ ខណៈអ្នកខ្លះក៏ថាអ្នកទាំងពីរគឺជាមិត្តភក្តិនឹងគ្នា។
ចាប់តាំងពីស្ពាយឈ្មោះជាស្រ្តីមេម៉ាយមក មកទល់ពេលនេះ ពេជ្រ សូលីកា មិនទាន់បានប្រកាសចំណងស្នេហ៍ថ្មីជាសាធារណៈឡើយខណៈអតីតគូដណ្តឹងរបស់នាងក៏បានបើកចំហស្នេហាជាយូរណាស់មកហើយ។ កន្លងមកនេះ ពេជ្រ សូលីកា បានធ្វើឱ្យអ្នកគាំទ្រចាប់អារម្មណ៍ជាមួយនឹង ជុង យាន ជាអតីតជ័យលាភីលំដាប់ទី១ក្នុងកម្មវិធី ROAD 2 THE STAR រដូវកាលទី២ បន្ទាប់ពីអ្នកទាំងពីរមានភាពស្និទ្ធស្នាលគ្នាខ្លាំង ប៉ុន្តែក្រោយមកក៏រសាត់បាត់ទៅតាមពេលវេលា។
ទោះយ៉ាងណា នាពេលថ្មីៗនេះម្ចាស់បទ «ថែការចងចាំ» ក៏ស្រាប់តែធ្វើឱ្យអ្នកគាំទ្រចាប់ អារម្មណ៍ម្តងទៀត បន្ទាប់ពីគេបានឃើញនាងនិងបុរសម្នាក់បណ្តើរគ្នាចូលរួមពិធីមង្គលកា រមានរូបថតជាមួយគ្នាលើសពីធម្មតា។ នេះបណ្តាលឱ្យទស្សនិកជនមួយចំនួន កំពុងសង្ស័យថា ពេជ្រ សូលីកា និង បុរសរូបនេះកំពុងស្វែងយល់ចិត្តគ្នាឬយ៉ាងណា។ 
អ្នកលេងបណ្តាញសង្គមបានបញ្ចេញមតិថា « បងម្នាក់នឹងមែននៅក្នុងបទ ខ្ញុំសំដែង ខ្ញុំសង្ស័យយូរហើយ ប្រហែលទេដឹងបង ព្រោះធ្លាប់ជួបគាត់ទាំងពីរនៅព្រលានយន្តហោះ រួមទាំងមតិផ្សេងទៀត»។ យ៉ាងណាមិញស្របពេលមានការលើកឡើងផ្សេងៗក៏មានអ្នកលេងបណ្តាញសង្គមថាអ្នកទាំងពីរគឺជាពួកម៉ាកនឹងគ្នា»។
ទោះយ៉ាងណា សម្ព័ន្ធភាពរបស់ ពេជ្រ សូលីកា និងបុរសសង្ហាក្នុងរូបគេនៅមិនទាន់ច្បាស់នោះទេថាគឺជាគូស្នេហ៍ឬគ្រាន់តែជាមិត្តភក្តិនឹងគ្នា៕
